Ekipa futeból salaun (futsal) femininu TATOLI.IP (hamrik) no ekipa Business Timor (tuur). Imajen/Tatoli

DILI, 30 outubru 2020 (TAOLI) – Ekipa futeból salaun (futsal) maskulinu TATOLI.IP, ohin loraik,  iha kampu multifunsaun Bebora, Dili, festa golu hodi “lolo”  nia adversáriu Business Timor ho rezultadu golu 7-2.

Liuhosi torneiu Ministériu Asuntu Parlamentár no Komunikasaun Sosiál (MAPKOMS) 2020, ekipa jogadór  TATOLI.IP  no Business Timor sempre halo kontra ho atake atu bele prodús golu.

Jogadór TATOLI.IP lori bola no jogadór Business Timor halo atake. Imajen/Tatoli

Iha minutu primeiru árbitru huu apita naruk hodi jogu komesa TATOLI komesa domina kedan bola no jogadór Bernardo Xavier (10) hosi TATOLI uza kedan oportunidade iha liña oin hodi lansa golu primeiru hodi lori score ba 1-0.

Business Timor tenta nafatin atu marka golu, maibé seidauk hetan oportunidade tanba TATOLI nafatin domina bola. Hosi domina bola ne’e Bernardo uza nafatin oportunidade livre hodi fura tan rede Business Timor lori rezultadu ba 2-0.

Esforsu no defensivu hirak ne’ebé Business Timor halo la lakon leet de’it tanba domina mós bola to’o jogadór Avelino de Jesus (10) les golu dahuluk hodi lori score ba 2-1.

Jogadór TATOLI lakohi husik leet de’it Business Timor atu fura tan rede to’o minutu primeira parte termina laiha tan golu ruma mak akontese.

Ba segunda parte, ekipa rua jogu manas liután. Maibé oportunidade monu liubá TATOLI tanba Bernardo hetan nafatin oportunidade hodi halo golu lori rezultadu ba 3-1.

Hosi golu ne’e doko tebes jogadór Business Timor nia laran no sira uza kedan oportunidade mamuk ne’ebé TATOLI la kontrola Avelino marka tan golu ida hodi dudu score ba 3-2.

Haree ba golu rabat malu ona, TATOLI komesa muda estratéjia jogu hodi la halo tan jogu defensivu, maibé halimar dudu bola oin hodi buka hatama golu.

To’o ikus sorte di’ak mosu duni ba TATOLI liuhosi jogadór Zezito (13) prodús tan golu ida hodi lori rezultadu ba 4-2.  La’ós golu ne’e de’it, maibé jogadór Reno (11) marka tan golu rua tuituir malu hodi lori rezultadu namlele dook hosi Business Timor 6-2.

TATOLI mak domina liu bola iha kampu laran halo jogadór sira nia vontade no espíritu jogu aumenta liután. Bernardo halo tan nia golu ikus hodi hatuur loloos score ba 7-2.

Hosi golu ne’e halo ekipa jogadór TATOLI hametin liután sira-nia “lutu” iha liña defensiva nian to’o jogu termina lori vitória ba TATOLI 7-2 no ekipa Business Timor hela ka lakon.

Jornalista   : Hortencio Sanchez

Editór        : Francisco Simões

HAKEREK NO HATÁN

Please enter your comment!
Please enter your name here