Treinadór U-19, Eduardo Pereira. Imajen/LFA

DILI, 29 outubru 2020 (TATOLI)–Make laiha eventu internasionál tanba pandemia Covid-19, selesaun nasionál U-19 kontinua hala’o treinamentu hodi prepara sira-nia mentalidade no fíziku bainhira  atu prepara-an bainhira iha eventu internasionál.

Treinadór U-19, Eduardo Pereira hateten, treinamentu ne’e hanesan kontinuasaun, bainhira kopa Federasaun Futeból Timor – Leste (FFTL) komesa jogadór sira halai hotu ba klube hodi joga iha klube ida-idak nian.
Maibé kopa remata ona, obrigasaun ba jogadór sira-ne’e kada loron tenke hala’o treinamentu.

“Treinamentu ami nian ne’e jogu ruma iha entaun jogadór sira tenke ba joga iha klube ida-idak nian, kuandu iha jogu sira ami haree sira ladún hatudu performa di’ak ami hasai balun no  bolu fali jogadór seluk, entaun joga kopa hotu ona sira ami hili fila-fali mai treinu hodi prepara ba jogu internasionál sira tuir mai,” dehan Eduardo ba Agéncia Tatoli, ohin, iha kampu FFTL, Dili.

Nia dehan, total jogadór agora hala’o hela treinamentu hamutuk na’in-40 resin no jogadór hirak-ne’e parte tékniku foti hosi klube 20 ne’ebé daudaun ne’e hamahan-an hela iha Liga Futeból Timor -Leste (LFTL).

“Jogadór hirak ne’e barak liu ami foti hosi klube sira iha primeiru divizaun no segunda divizaun. Ami hili sira bainhira jogu kopa FFTL nian, foin lalais ne’e, ami hare di’ak mak ami foti hodi halibur hamutuk iha selesaun nasionál U-19,” nia dehan.

Jornalista   : Hortencio Sanchez

Editór        : Francisco Simões

 

HAKEREK NO HATÁN

Please enter your comment!
Please enter your name here