Reitor DIT Alvaro Menezes Amaral.imajen espesial.

DILI, 29 outubru 2020 (TATOLI)—Reitór Dili Institute Technology (DIT) Alvaro Menezes Amaral, husu Governu atu apoiu orsamentu no tékniku ba dezenvolvimentu universidade privada sira iha Timor-Leste.

Nia dehan Klibur Instituisaun Ensinu Superiór Privada Timor-Leste (KIESP-TL) antes ne’e submete ona proposta ba Governu hodi husu apoiu liliu investimentu ba laboratóriu, internet, sala aula no seluk tan maibé laiha resposta.

Notísia Relevante :KIESP-TL Hato’o Proposta Millaun $5.8 ba Parlamentu Nasionál

“Estadu tenke halo tratamentu hanesan labele tau matan de’it ba estadu nian ne’ebé eskola iha UNTL haluha tiha estadu nian oan sira seluk ne’ebé eskola iha instituisaun ensinu superiór privada sira,” nia dehan ba jornalista sira iha serimonia graduasaun ba estudante finalista DIT hamutuk 491 iha Sentru Konvensaun Dili (CCD-sigla portugés), kinta ne’e.

Universidade privada 10-resin ne’ebé hamahan an iha KIESP-TL presiza mós atensaun husi Governu tanba durante ne’e fó mós kontribuisaun ba dezenvolvimentu Timor-Leste liuhusi preparasaun rekursu umanu ho kualifikadu.

“Ita-nia rain ne’e bele riku to’o iha ne’ebé maibé kuandu investimentu ba rekursu umanu laiha ninia serteza mak ne’e dezenvolvimentu rai laran ne’e ita sei entrega ba ema sira husi rai-liur,” nia hateten.

Universidade sira ne’ebé hamahan an iha KIESP-TL maka UNPAZ, UNDIL, DIT, IOB, UNITAL, CRISTAL,ETCI, no seluk tan.

 Notísia Relevante :Governu Diskute Ona Proposta KIESP-TL

Jornalista : Tomé Amado

Editór:Agapito dos Santos

HAKEREK NO HATÁN

Please enter your comment!
Please enter your name here