Sesaun plenária Parlamentu Nasionál. Imajen/TATOLI

DILI, 26 outubru 2020 (TATOLI)— Parlamentu Nasionál (PN) aprova projetu-rezolusaun ida hodi halo prevensaun ba krime infantisídiu, abandona bebé no labarik iha Timor-Leste.

Projetu rezolusaun númeru 60/V (3a) rekomenda ba Governu adosaun medida prevensaun ba infantisídiu, abandona bebé no labarik ho rezultadu votasaun a-favór 38, kontra 0 no abstesaun 0.

“Ho nune’e Projetu rezolusaun númeru  aprovadu 60/V (3a),” Prezidente Parlamentu Nasionál, Deputadu Aniceto Longuinhos Guterres Lopes, anunsia liuhosi plenária Parlamentu Nasionál, kuarta ne’e.

Parlamentu Nasionál aprova projetu rezolusaun ne’e bazea ba artigu 92o Konsituisaun RDTL hodi rekomenda ba Governu ho pontu ualu (8) tuir mai ne’e:

  1. Rezolusaun ne’e ne’e foti ho dilijénsia katak tópiku ne’ebé relasaun ho saúde reprodutiva bele halo introdusaun ba eskola sira.
  2. Rezolusaun ne’e foti hodi garante koñesimentu iha eskola sira, família sira no komunidade sira.
  3. Rezolusaun ne’e hodi prevene joven feto grávida, joven feto no joven mane, garante kondisaun nesesária konklui sira-nia estudu, liuhosi apoiu diretu ba joven no labarik no apoia respetiva ba família.
  4. Rezolusaun ne’e sei dezenvolve medida sira-ne’ebé fo ona iha komuniidade, apoiu médiku no psikolójiku ba joven adoselente ne’ebé isin-rua sedu, inklui garante sosiál ba família sira-nian.
  5. Iha orden formasaun ba profsionál justisa sira, sei fó serteza formasaun ho adekuada hodi hala’o prosesu investigasaun relasiona ho violénsia jéneru, krime seksuál no krime infantisídiu, hodi nune’e identifika autór ne’ebé envolve iha prátika kriminoza ne’e.
  6. Iha ámbitu formasaun ba profisionál iha área saúde hodi halo akompañamentu ba bebé no labarik vítima abandonu sira no labarik vítima hosi violénsia jéneru no krime seksuál.
  7. Iha ospitál no sentru saúde sira tenke garante apoiu psikolójiku ba bebé no labarik vítima abandonu sira, inklui vítima krime seksuál, no tenke investiga feto ne’ebé envolve iha krime infantisídiu ne’e.
  8. Atu asegura ekipamento nesesáriu ba realizasaun nesesária dilijénsia forense (forenses), ba realizasaun teste DNA iha ámbitu investigasaun krime infantisídiu.

Deputadu sira-ne’ebe sai Proponente ba projetu rezolusaun ne’e mak hanesan Lídia Norberta dos Santos Martins, Fabião de Oliveira, José Agustinho Siqueira “Somotxo”, Olinda Guterres, Maria Angelina Lopes Sarmento, Regina Freitas no Francisco de Vasconcelos.

Jornalista: Evaristo Soares Martins

Editór: Cancio Ximenes

HAKEREK NO HATÁN

Please enter your comment!
Please enter your name here