Kondisaun sala aula Eskola EBF suku Railaco Kraik. Imajen Tatoli/Natalino Costa

DILI, 28 outubru 2020 (TATOLI)—Diresaun Jerál Polítika Planeamentu no Inkluzaun Ministériu Edukasaun Juventude no Desportu iha ona planu ba 2021 sei fó mós prioridade ba asuntu infraestrutura bázika hodi re-abilita sala aula hamutuk 1.500 iha territóriu Timor-Leste.

Diretora Jerál Polítika Planeamentu no Inkluzaun, Odilia das Dores Ung Martins, informa husi totál sala aula 1.500, iha faze dahuluk sei re-abilita sala 869 no faze tuir mai mak sala 631.

Notísia Relevante:2020-2023, Governu Hadi’a Sala-de-Aula 2.000

“Ita tenki hatene katak atu hadi’a kulidade eskola faze dahuluk mak ita tenke tau prioridade ba infraestrutura eskola sira hodi nune’e bele mellora prosesu aprendizajen ba estudante sira,” dehan nia ba jornalista sira iha salaun Ian Martin INFORDEPE Matadouru, kuarta ne’e.

No tuir mai nia dehan sei konsentra ba formasaun rekursu umanu liliu ba profesór sira nune’e bele hasa’e kualidade manorin na’in para hanorin estudante sira ho di’ak.

“Formasaun ba profesór sira ne’e importante tanba dala barak inan-aman sira kestiona kualidade profesór sira, ida ne’e loos duni durante ne’e iha profesór balun simu responsalblidade todan hodi asume kedan materia haat hodi difikulta sira atu jere tempu hodi prepara materia sira ne’e,” nia dehan.

Maibé intermuz formasaun MEJD sei entrega responsalidade ne’e ba INFORDEPE.

Notísia Relevante:MEJD planea reabilita sala aula 680 iha tinan oin

Jornalistta : Tomé Amado

Editór :Agapito dos Santos

HAKEREK NO HATÁN

Please enter your comment!
Please enter your name here