KOICA fó apoiu ekipamentu prevensaun COVID-19 ba Sekretária Estadu Protesaun Sivíl (SEPS). Imajen/Mídia SEPS

DILI, 28 outubru 2020 (TATOLI) – Korean International Cooperation Agency (KOICA) fó apoiu ekipamentu prevensaun COVID-19 ba Sekretária Estadu Protesaun Sivíl (SEPS).

Notísia Relevante : KOICA-KIDC oferese materiál prevensaun Covid-19 ba Orfanatu Bidau

Ekipamentu ne’e entrega direita hosi Diretór KOICA, Kim Sikhyon no dirijente CVTL nian  ba Sekretáriu Estadu SEPS, Joaquin Gusmão ne’ebé akompaña hosi  kargu xefia SEPS nian, ohin, iha edifísiu SEPS, Caicoli, Dili.

Ekipamentu ne’ebé  apoiu hanesan, Face mask 100 box, Google  1000 pcs, Hand Sanitizer 1000 bottle, Glasses 150 pcs, Shoes 500 pcs, Corp body bag 100 pcs, Infrarep tenperature  gun 50 pcs, Coverall with hoods 525 pcs no Face shield 150 pcs.

Ekipamentu sira ne’e kompras ho montante orsamentu  $50,000,00. SEPS Joaquin Gusmão, agradese ba apoiu  KOICA nian no  ekipamentu protesaun sira-ne’e sei tulun tebes SEPS liu-liu ba ekipa sira hanesan Bombeiru hodi hala’o servisu iha terrenu bele utiliza tanba servisu protesaun sivíl nian impotente tebes iha ámbitu luta kontra COVID-19.

“Ita la hatene loos bainhira maka COVID-19 bele lakon ne’ebé daudaun ne’e mundu enfrenta, tanba ne’e  ita nia Estadu mós extende tan ona Estadu Emerjénsia ba dahituk, ho ida ne’e, bele fó espasu ba ita,” Sekretáriu Estadu SEPS, Joaquin Gusmão hateten.

Diretór KOICA, Kim Sikhyon, hateten, KOICA sei nafatin  apoiu Timor-Leste hodi luta kontra COVID-19.

“Ho ekipamentu sira apoiu ba SEPS bele apoiu prevene COVID-19 iha servisu fatin tanba daudaun ne’e  Estadu TL extende tan ona Estadu emerjénsia ba dahituk tanba iha pasiente ida mak pozitivu,” nia hateten.

Jornalista   : Nelson de Sousa

Editór        : Francisco Simões

HAKEREK NO HATÁN

Please enter your comment!
Please enter your name here