Ministru Prezidénsia Konsellu Ministru, Fidelis Manuel Leite Magalhães. Imajen Tatoli/Egas Cristovão

DILI, 28 outubru 2020 (TATOLI)–Liuhosi reuniaun Konsellu Ministru (KM) Governu aprova projetu lei organizasaun no funsionamentu Tribunál, ne’ebé aprezenta hosi Ministru Justisa, Manuel Cárceres da Costa.

“Projetu proposta lei ne’e kona-ba organizasaun no funsionamentu Supremu Tribunál Justisa nian hodi kria kondisaun bainhira juís sira ho karreira no esperiénsia halo jestaun ba rekursu ida-idak tanba daudaun funsaun sei asegura hosi Tribunál Rekursu,” Ministru Prezidénsia Konsellu Ministru, Fidelis Manuel Leite, relata hafoin ramata reuniaun KM, iha Palásiu Governu, kuarta ne’e.

Aleinde ne’e, propoin mós hodi aprova kona-ba enkuadramentu jurídiku ne’ebé ba oin sei permite instalasaun jurizdisaun administrativa no fiskál, ne’ebé enkarrega hodi julga rekursu desizaun órgaun Estadu, litíjiu administrativu no fiskál sira seluk.

Natureza tribunál distritál atuál hanesan tribunál jurizdisaun komún ne’ebé reitera no prevee posibilidade duplikasaun tribunál kona-ba jurizdisaun komún ba juís sira ne’ebé iha kompeténsia espesializada iha matéria sivíl no kriminál, ne’ebé nafatin ho volume no komplesidade hosi prosesu tribunál judisiál determinadu kona-ba instánsia dahuluk ne’ebé justifika no juís ho kompeténsia espesializada iha matéria família no menór sira.

Jornalista: Antónia Gusmão

Editora: Julia Chatarina

HAKEREK NO HATÁN

Please enter your comment!
Please enter your name here