pasiente ho problema mental.Google.

DILI, 28 outubru 2020 (TATOLI)—Sala tratamentu agudu ka Acute Care Ospitál Nasionál Guido Valadares (HNGV-sigla portugés) Dili, durante tinan rua hahú 2019 to’o 2020 ne’e atende ona pasiente ho problema mentál hamutuk ema na’in 3.523.

Iha 2019 pasiente ho problema mentál iha ema na’in 1.989 kompostu husi feto hamutuk 1.117 no mane na’in 872, husi númeru ne’e pasiente ne’ebé mak halo internamentu ka baixa hamutuk feto 180 no mane 99.

Notísia Relevante:Pradet rejista Timoroan ho problema mentál 1.687

”Husi númeru ne’e kazu diagnóstico eskuizofrenia mak aas liu no daruak mak tentamentu  soisidu mak ema ne’ebé tenta atu oho an tuir fali mai mak psikolojia no depresaun,” relata Xefe Unidade Acute Care HNGV, Maria Amélia Gomes, ba Tatoli iha ninia servisu fatin, ohin.

Enkuantu, iha tinan 2020, hahú husi fulan-janeiru to’o agostu nia parte atende ona pasiente hamutuk 1.534, mane na’in 371 no feto 783.

”Total pasiente ne’ebé mak halo tratamentu iha sala psikiatria husi janeiru to’o agostu hamutuk 145 mane 64 no feto 81 no husi pasiente ne’ebé baixa no alta médiku katak doutór mak fó alta sira hamutuk 124 no halai sai husi unidade laiha koñesimentu mediku hamutuk 12 no alta tanba pedidu husi família hamutuk na’in ualu,” nia esplika.

Númeru pasiente aumenta kada loron maibé sala tratamentu agudu nian laiha espasu natoon atu simu pasiente ho kuantidade barak.

Tanba daudaun ne’e, iha de’it kuartu hamutuk neen ho kama 14 inklui hariis fatin, husi totál kama 14 ne’e, nia esplika kama neen hodi halo internamentu ba pasiente mane no kama neen ba feto.

”Iha unidade Acute Care mós iha sala atividade para ami fó ba pasiente sira halo sira-nia atividadae inklui mós sala han kalan nian ba pasiente sira bainhira sira matabisu no han meudia no kalan ami lori sira ba iha sala jantar nian maibé ba pasiente sira ne’ebé mak agresivu ne’e toba no kesi ho sintu sira la ba han iha meza jantar maibé ami fó direitamente ba família sira atu ajuda fó han sira iha kuartu,  karik mak familia laiha enfermeiru sira mak fó han diretamente ba pasiente sira,” nia hateten.

Sala tratamentu Acute Care iha profisionál saúde hamutuk ema na’in 24, médiku psikiatria Timoroan na’in rua no kuba na’in ida,  Médiku Jerál Kuba na’in tolu, enfermeiru hamutuk na’in 13, pesoál cleaner ka hamos rai na’in haat.

“Ida ne’e mós seidauk sufisiente ba oin hakarak aumenta tan médiku ba iha unidade Acute Care nian,” nia dehan.

Notísia Relevante:SLX ho YCC selebra loron mundiál ba moras mentál

Jornalista : Felicidade Ximenes

Editór:Agapito dos Santos

HAKEREK NO HATÁN

Please enter your comment!
Please enter your name here