Imajen/Espesial.

DILI, 27 outubru 2020 (TATOLI)—Rejiaun Administrativa Espesiál Oé-Cusse-Ambeno (RAEOA) lideradu Arsénio Paixão Bano propoin millaun $85,5 ba kapitál dezenvolvimentu iha proposta-lei Orsamentu Jerál Estadu (OJE) 2021.

“Proposta Orsamentu Jerál Estadu (OJE) 2021 hosi Rejiaun Administrativa Espesiál Oécusse-Ambeno (RAEOA) hamutuk millaun $127, ne’ebé prevee millaun $85,5 ba kapitál dezenvolvimentu,” haktuir dokumentasaun orsamentál ne’ebé Agência TATOLI asesu hosi Parlamentu Nasionál, tersa ne’e.

Totál despeza hodi finánsia despeza OJE 2021 hamutuk millaun $127,0. Montante proposta ne’e aloka despeza ho klasifikasaun ekonómika kompostu hosi saláriu no vensimentu millaun $11,1, bens (sasán) no servisu millaun $23,8, transferénsia públika millaun $4,3, kapitál minór millaun $2.4 no kapitál dezenvolvimentu millaun $85,5.

Entretantu Reseita hosi RAEOA hamutuk millaun $207,4, ne’ebé millaun $29,2 transfere hosi Administrasaun Governu Sentrál, millaun $0,8 ba reseita tributária (taxa), millaun $ 177,4 saldo jerénsia, ne’ebé millaun $97,0 hodi finánsia despeza no millaun $80,4 la utiliza ba despeza 2021.

Purtantu proposta-lei Orsamentu Jerál Estadu 2021 oras ne’e baixa on aba Komisaun C (Finansa Públika) no komisaun espesializada permanente sira hodi halo análize ba proposta-lei ne’e hafoin aprezenta relatóriu no paresér.

Jornalista: Evaristo Soares Martins

Editór: Cancio Ximenes

HAKEREK NO HATÁN

Please enter your comment!
Please enter your name here