DILI, 27 outubru 2020 (TATOLI)– Prezidente Repúblika (PR), Francisco Guterres “Lú-Olo”, foti férias anuál, hahú hosi loron 28 outubru to’o loron 6 novembru 2020.
Nota komunikadu ne’ebé fó sai hosi Prezidénsia Repúblika, ohin, relata, bazeia ba estatutu titulares órgaun soberania artigu 10, alínea 4 hosi Lei nu.7/2007 no altera ho Lei nu.7/2017, 26 abríl, titulares no membru hosi órgaun soberania iha direitu foti férias anuál durante loron-30 iha tinan-ida nia-laran. ho nune’e, Prezidente Repúblika sei uza ninia tempu férias iha territóriu nasionál.
Jornalista : Cipriano Colo
Editór : Francisco Simões
