Grupu Generation Unlimited, hatudu hela sira-nia produtu resiklazen lixu iha CCD.Imajen/Tome Amado.

DILI, 27 outubro 2020 (TATOLI)—Grupu Generation Unlimited (GGU), daudaun ne’e transfoma plástiku sai kadeira no meza plástiku ho intensaun atu redúz lixu iha rai-laran.

Xefe Grupu atuál estudante husi Eskola São Pedro Comoro, Lucresia Araújo dos Reis, hateten resiklazen lixu ne’e hodi hasa’e kreatividade joven sira no mós apoiu Governu hodi redúz lixu iha rai-laran.

Notísia Relevante :Fulan-Marsu Nia Laran, Empreza Caltech Lansa Produsaun Resiklajen Lixu

“Ami uza materiál plástiku no agua hodi sai fali produtu foun hanesan  bloku, kadeira no meza plástiku,” nia informa ba Tatoli durante halo expozisaun iha Sentru Konvensaun Dili, (CCD-sigla portugés) tersa ne’e.

Grupu ne’e ninia atividade komesa ona iha tinan 2019 to’o ohin loron iha área Comoro nian, no sira konsege ona prodúz ona lixu ba bloku hamutuk 15, meza ida no kadeira plástiku 2.

“Hanesan bloku kadeira no meza, ami prepara ona ninia mall ka fatin produsaun depois ami fui ba fatin sira ne’e husik to’o maran no ita bele haree ninia rezultadu,” nia esplika.

Tuir katak Grupu ne’e foti referensia husi internet hodi prodúz lixu ba materiál hirak ne’e atu bele uza filafali ho intensaun atu hamenus lixu iha rai-laran.

Jornalista : Tomé Amado

Editór:Agapito dos Santos

HAKEREK NO HATÁN

Please enter your comment!
Please enter your name here