Ilustrasaun hosi google.

DILI, 27 outubru 2020 (TATOLI)—Komisaun Nasionál Kombate HIV-SIDA (CNCS-sigla portugés) Timor-Leste, iha ona planu sei komemora loron mundiál HIV-SIDA, 01 dezembru 2020 iha Munisípiu Covalima.

Sekretáriu Ezekutivu, Atanásio de Jesus, hateten hili Munisípiu Covalima hodi realiza eventu ne’e ho objetivu atu hakbesik an ba populasaun iha área rurál nune’e bele fó informasaun kona-ba prevensaun  HIV-SIDA.

Notísia Relevante :Komisaun Nasionál Kombate HIV-SIDA Sensibiliza HIV-SIDA Ba Komunidade

“Tinan ne’e ita hili área rurál atu komemora loron HIV-SIDA tanba dala barak ita komemora de’it iha sidade laran ne’ebé populasaun husi sidade ne’e barak maka hatene ona kona-ba informasaun prevene husi HIV-SIDA maibé populasaun iha área rurál barak maka seidauk hatene informasaun oinsá atu prevene aan hosi moras HIV/SIDA,” dehan Atanásio de Jesus ba jornalista sira iha resintu Salaun CNCS-TL, Luru-Mata, Dili, kuarta ne’e.

Iha komemorasaun ne’e sei hala’o mós programa sensibilizasaun informasaun ba joven feto no mane sira atu hadook an husi ransu livre ne’ebé ikus afeta ba moras HIV-SIDA.

Tanba ne’e, nia husu ba populasaun Timor-Leste tomak atu oinsá prevene an husi moras hada’et ne’e.

Notísia Relevante :Tinan Ne’e Númeru HIV-SIDA Aumenta

Jornalista:Felicidade Ximenes

Editór:Agapito dos Santos

HAKEREK NO HATÁN

Please enter your comment!
Please enter your name here