Diretór Ezekutivu Servico Autonomo Medicamentos Equipamentos Saúde (SAMES), Santana Martins. Imajen Tatoli/Egas Cristovão

DILI, 26 outubru 2020 (TATOLI)—Diretór Ezekutivu Servisu Autónomu Medikamentu no Ekipamentu Saúde, Santana Martins, hateten iha tinan oin sei estabelese laboratóriu medikamentu para halo teste ba ai-moruk sira ne’ebé maka sosa husi rai-liur hodi garante ninia kualidade no mós priénse padraun internasionál.

”Bainhira laboratóriu medikamentu  estabelese iha SAMES labele intende sala  laboratóriu diagnóstiku,  ho laboratóriu medikamentu ne’e atu  prodúz de’it rejultadu kualidade  ai-moruk ne’e rasik,  agora laboratóriu diagnóstiku mak hanesan kompetensia  iha Laboratóriu Nasionál Saúde nian,” Ezekutivu SAMES, Santana Martins informa ba Tatoli, iha ninia servisu fatin Kampung-Alor Dili.

Notísia Relevante:SAMES rekoiñese rejeita esportasaun ai-moruk item tolu

Atu estabelese laboratóriu medikamentu ne’e kompotensia husi Autoridade Reguladór iha Ministériu Saúde nia okos maibé SAMES propoin presiza estabelese duni iha 2021.

“Tinan ida ne’e ami  presiza tebes laboratóriu medikamentu  no ami avansa ona proposta adisionál, Vise-Ministru Saúde mak husu no ami submete ona  hamutuk 400 mil para ita  reforsa tan atu estabelese laboratóriu medikamentu  no espera katak bele hetan aprovasaun husi Governu no bele mós pasa iha Parlamentu Nasionál,’’ nia hatutan.

Atu garante duni ekipamentu ne’e nia kualidade ka lae, daudaun ne’e SAMES koordena hela ho Organizasaun Mundiál Saúde (OMS) atu haree tipu ekipamentu laboratóriu saida maka presiza atu sosa.

“Iha ona  faze diskusaun no seidauk iha faze finalizasaun no ikus mai sames hetan ona espesifikasaun  kompletu husi OMS hodi loke konkursu para kompañia sira kompete para sosa produtu ne’e,” nia hateten.

Entretantu, durante ne’e SAMES obrigadu tenki halo teste ba medikamentu iha Austrália tanba seidauk iha Laboratóriu Medikamentu.

Notísia Relevante:CAC, IJE, PDHJ,KFP halo inspesaun urjensia ba SAMES

Jornalista :Felicidade Ximenes

Editór :Agapito dos Santos

HAKEREK NO HATÁN

Please enter your comment!
Please enter your name here