Ministru Turizmu, Komérsiu no Indústria, José Lucas do Carmo Silva. Imajen Tatoli/Egas Cristovão

DILI, 26 outubru 2020 (TATOLI)–Ministru Turizmu, Komérsiu no Indústria (MTKI), José Lucas do Carmo da Silva, hateten ministériu ne’e sei koordena ho Ministériu Administrasaun Estatál (MAE) atu identifika fatin ba negosiante artezenatu hodi bele fa’an produtu ho dignu.

“Ba oin ami iha planu buka fatin dignu ba negosiante tais, maibé sei iha koordenasaun entre tékniku ministériu rua hodi haree fatin,” informa Ministru José Carmo ba Agência TATOLI, foin lalais ne’e, iha Jardín B.J Habibie.

Tuir governante ne’e, presiza iha liña kodenasaun hodi bele realiza planu ne’e ho di’ak.

Iha fatin hanesan, Negosiante Tais, Helena de Jesus, apresia programa MTKI ne’ebé realiza ona atividade feira hodi negosiante sira bele mai partisipa.

“Husu Governu atu realiza atividade ne’e fulan-ida dala-rua ho durasaun tempu kleur oituan, nune’e bele kontinua promove produtu tais Timor-Leste no ninia valór labele lakon,” nia fó hanoin.

Negodiante ne’e haktuir, durante ne’e nia parte halo negósiu tais iha Lita Store nia oin durante tinan 14 ona.

“Husu Governu hatudu fatin dignu, nune’e bele halo negósiu produtu artezenatu ne’e ho di’ak liután,” nia akresenta.

Jornalista: Natalino Costa

Editora: Julia Chatarina

HAKEREK NO HATÁN

Please enter your comment!
Please enter your name here