Koordenadora Gabinete Kombate Korrupsaun Kriminál (GCCC), Ministériu Públiku, Lidia Soares. Imajen/CAC

DILI, 26 outubru 2020 (TATOLI)- Koordenadora Gabinete Kombate Korrupsaun Kriminál (GCCC) iha Ministériu Públiku (MP), Lidia Soares, louva rezultadu investigasaun kriminál ba kazu korrupsaun sira ne’ebé aprezenta hosi investigadór Komisaun Anti-Korrupsaun (CAC).

Notísia Relevante : PGR rekoñese CAC nia prestasaun servisu di’ak

“Investigadór CAC nia rezultadu investigasaun kriminál tulun tebe-tebes ami majistratura prokuradór sira haknaar an iha GCCC Ministériu Públiku nian ba halo akuzasaun durante prosesu julgamentu iha Tribunal,” koordenadora GCCC , Lidia Soares, hateten  liuhosi  komunikadu imprensa  ne’ebé Agência Tatoli asesu, ohin, hosi CAC.

Nia hateten, servisu investigadór CAC hodi elabora relatóriu investigasaun sira kompriensivu, aprezenta sasin, faktu auténtiku ho  dokumentu nu’udar evidénsia forte.

“Apresia servisu investigadór CAC nian no espera sei mantein servisu di’ak hirak ne’e iha futuru,” afirma Lidia Soares.

Jornalista   : Nelson de Sousa

Editór        : Francisco Simões

HAKEREK NO HATÁN

Please enter your comment!
Please enter your name here