Diretór Centru Formasaun Profisionál Don Bosco Comoro (CFP-DBC), Adriano Maria de Jesus, SDB. Imajen TATOLI/Domingos Piedade Freitas.

DILI, 26 outubru 2020 (TATOLI)–Diretór Centru Formasaun Profisionál Don Bosco Comoro (CFP-DBC), Adriano Maria de Jesus, SDB, hateten CFP-DBC entrega máskara hamutuk rihun 400 ne’ebé oferese hosi antigus alunus Don Bosco sira iha Hongkong no Macau ba Minsitériu Edukasaun hodi bele distribui ba estudante sira iha estabelsimentu ensinu públiku no privadu sira iha Timor-Leste.

“CFP-DBC fahe máskara hamutuk rihun 400 ne’ebé oferese hosi antigus alunus Don Bosco sira iha Hongkong no Macau ba Minsitériu Edukasaun hodi bele distribui ba eskola sira iha Timor laran tomak. Ha’u hanoin máskara hirak ne’e, ami sei distribui ballu ba eskola Salesiana iha Timor hamutuk 56, ho estudante iha eskola Don Bosco nian ho totál estudante kuaze rihun 14,” dehan Adriano Maria de Jesus ba Agência TATOLI iha Dom Bosco, Comoro, Dili, domingu ne’e.

Nia informa, antigus alunus Don Bosco iha Macau no Hongkong haruka máskara ho kontainer rua ho totál máskra hamutuk rihun 900 ne’e, balun fahe ona ba eskola salesiana sira seluk. Máskara hirak balu, nia dehan, CFP-DBC fahe mós ba Ministériu Edukasaun ho totál rihun 400 atu bele fahe ba eskola públiku tanba ida-ne’e mak Don Bosco nia misaun hodi tau matan ba joven sira.

“Ami ne’ebé mak hala’o servisu obra Don Bosco nian labele rai ba aan de’it maibé fó tutan mos ba ema seluk,” nia hateten.

Iha fatin hanesan, Ministru Edukasaun, Armindo Maia, hateten em prinsipiu CFP-DBC distribui máskara ba Ministériu Edukasaun, nune’e bele distribui fila fali ba eskola sira ne’ebé mak presiza duni liuliu eskola sira área fronteira terreste hanesan Suai, Malian abo RAEOA tanba área sira-ne’e mesak zona perigozu atu hada’et moras coronavirus (COVID-19).

“Ha’u hanoin fahe máskara prioridade ba zona perigozu sira maibe mós la taka dalan ba eskola sira seluk iha munisipiu sira seluk.” Nia dehan.

Jornalista: Domingos Piedade Freitas

Editór: Cancio Ximenes

HAKEREK NO HATÁN

Please enter your comment!
Please enter your name here