Adeptus no Populasaun asiste jogu final kopa FFTL iha Estadiu Munisipal CAFE, Ermera. IMajen/Hortencio Sanchez.

GLENO, 25 outubru 2020 (TATOLI)—Eis Primeiru-Ministru, Kayrala Xanana Gusmão, la konsege asiste jogu finál kopa Federasaun Futeból Timor-Leste (FFTL) entre klube AD.SLB Laulara ho Lalenok United FC tanba kondisaun saúde la permite ka “moras”.

Lider Karismátiku ne’e sente moras hodi sai husi área Estádiu CAFÉ Gleno, Ermera nian iha ne’ebe hetan akompañamentu husi médiku no pesoál seguransa sira iha fatin ne’ebá.

Notísia Relevante :Xanana asiste direta jogu finál kopa FFTL entre SLB vs Lalenok

Enkuantu, situasaun hanesan mós akontese iha jogu semi finál entre AD.SLB vs Assalam FC iha Estádiu Gleno foinlalais halo eis Xefe Governu ne’e la konsege asiste jogu ne’e to’o ramata hodi fila ba ninia rezidensia iha Dili.

Mezmu lidér Nasionál ne’e la konsege akompaña jogu ne’e to’o ramata maibé espíritu adeptus  klube rua no populasaun sira kontinua fó suporta ba jogadór sira atu hala’o eventu ne’e to’o ramata.

Notísia Relevante :AD SLB Sei Hasoru Lalenok United FC iha Finál Tasa 12 Novembru

Jornalista:Hortencio Sanchez

Editór:Agapito dos Santos

HAKEREK NO HATÁN

Please enter your comment!
Please enter your name here