Prezidente Repúblika, Francisco Guterres Lú Olo, Prezide Reuniaun Konsellu Estadu iha Palásiu Prezidente Nicolau Lobato, Bairru Pite, Dili, kuarta, (08/05). Imajen /Egas Cristovão

DILI, 25 outubru 2020 (TATOLI)—Prezidente Repúblika, Francisco Guterres Lú Olo, tuir ajenda iha segunda (26/10) aban, sei lidera reuniaun ida ho Konsellu Estadu (KE), Konsellu Superiór Defeza no Seguransa (KSDS), iha Palacio Prezidensiál Bairru-Pité Dili hodi diskute kona-ba pedidu Governu nian atu renova implementasaun Estadu Emerjénsia ba periódu loron 30 ba oin.

Tuir komunikadu imprensa ne’ebé maka Tatoli asesu katak periódu Estadu Emerjénsia daneen durante loron 30 besik ramata ona tanba hahú ona iha loron 5 fulan-outubru no sei ramata iha loron 3 fulan-novembru.

Notísia Relevante :KSDS no KE rekomenda ba PR estende EE daneen

Tuir orariu reuniaun KSDS sei hahú iha tuku 09:30 Otl; dadeer no iha tuku 11:00 Otl; sei kontinua kedas ho Konsellu Estadu.

Pedidu Governu ba estensaun Estadu Emerjénsia relasiona ho evolusaun preokupante ba situasaun epidemiolójika no proliferasaun kazu rejistadu ho COVID-19, iha nível rejionál no iha nível mundiál.

Notísia Relevante :PR sei rona hanoin sira kona-ba pedidu renovasaun EE hosi KE-KSDS

Jornalista:Nelia Fernandes

Editór:Agapito dos Santos

HAKEREK NO HATÁN

Please enter your comment!
Please enter your name here