DILI, 23 outubru 2020 (TATOLI) – Órgaun Liga Futeból Timor – Leste (LFTL), sábadu (24/10), realiza primeiru konferénsia ordináriu iha Otel JL.Vila, Dili, hodi diskute asuntu importante haat tuir rezolusaun ne’ebé kongresu LFTL delibera iha loron 15 agostu 2020.
Notísia Relevante : Nilton Gusmão re-eleitu ba Prezidente LFA
Asuntu importante haat ne’e mak hanesan, prosesu diskusaun primeiru alterasaun estatuta LFTL, diskusaun kona-ba rekerimentu pagamentu kuota ho nia montante hosi membru ida-idak ne’ebé afiliada iha LFTL (artigu 33) estatutu alterasaun, halo nomeasaun ba konsellu fiskál ka fiskál úniku konsellu jurizdisionál no tomada posse ba enposadu sira.
“Aproveita biban ida ne’e, komisaun organizadora ba primeiru konferénsia ordináriu Liga Futeból de Timor – Leste ho ninia dezignasaun Liga Timorense hakarak hato’o informasaun ba ema hotu ne’ebé hadomi futeból iha timor laran tomak espesiál ba fundadór sira, asosiadu no amante futeból sira katak konferénsia ordináriu ita sei hala’o durante loron ida tomak,” Diretór Diresaun Relasoins Publika LFTL, Diogo Neto Fraga, informa liuhosi konferénsia imprensa ne’ebé hala’o iha sede LFTL Formosa, Dili, ohin.
Jornalista : Hortencio Sanchez
Editór : Francisco Simões
