Edifísiu Institutu Politékniku Betano. Imajen/Espesiál

DILI, 23 outubru 2020 (TATOLI)—Prezidente Institutu Politékniku Betano (IPB), Acácio Cardoso, hateten iha tinan 2020, sei loke vaga ba estudante finalista eskola sekundáriu jerál no tékniku vokasionál atu asesu IPB hamutuk 300.

“Tinan ida ne’e ita koko hasa’e númeru vaga ba inskrisaun estudante foun purvolta 300 atu nune’e ita bele hetan netik metade husi númeru ne’ebé ita termina,” nia informa ba jornalista sira iha kampus UNTL Dili, sesta ne’e.

Notísia Relevante :IPB sei fó graduasaun dahuluk ba estudante finalista 158

Bazeia ba esperiénsia kada tinan IPB sempre loke vaga hamutuk 200 maibé estudante sira ne’ebé maka aplika la to’o alvu ne’ebé maka iha, tanba ne’e presiza aumenta númeru vaga iha 2020 hodi priénxe fatin mamuk sira iha Institutu Politékniku Betano ne’ebé lokaliza iha Munisípiu Manufahi.

Nia garante finalista sira ne’ebé maka ramata ona estudu iha eskola ensinu sekundária jerál no tékniku vokasionál iha tinan ne’e bele prienxe vaga mamuk ne’ebé maka IPB fó sai.

Entretantu, hahú husi 2017 to’o 2020 ne’e IPB simu ona estudante hamutuk 450, husi eskola superiór produsaun animal ema na’in 291 no konstrusaun sivíl iha 189,  IPB mós iha dosente hamutuk 38.

Notísia Relevante :Sala Aula iha IPB La Sufisiente

Jornalista : Tomé Amado

Editór:Agapito dos Santos

HAKEREK NO HATÁN

Please enter your comment!
Please enter your name here