Xanana simu oferta farda hosi komisaun organizadora kopa FFTL. Imajen/Mídia FFTL

DILI, 21 outubru 2020 (TATOLI) – Jogu semi finál Kopa Federasaun Futeból Timor-Leste (FFTL) iha Estádiu Munisipál Dili, ohin loraik, asiste diretamente hosi lider karizmátiku Kay Rala Xanana Gusmão.

Notísia Relevante : AD. SLB tebe sai Assalam hosi Kopa FFTL

Xanana Gusmão to’o iha Estádiu Munisipál Dili tuku 15:24 Otl, simu ho basa-liman no haklalak haksolok hosi adeptu AD.SLB Laulara ho Assalam, ne’ebé halibur nakonu iha tribune estádiu nian

Xanana simu oferta farda hosi komisaun organizadora kopa FFTL. Imajen/Mídia FFTL

Bainhira to’o iha estádiu, komisaun jogu konvida Xanana Gusmão ne’ebé hanesan mós Prezidente SLB hamutuk ho Prezidente Assalam, Hipólito Soares hodi kumprimenta jogadór sira iha kampu laran antes hala’o jogu.

Jogadór sira iha mós ekipa All Star Timor – Leste ka jogadór antigu  sira oferese jersi guarda rede koori mean, jacket ida iha kotuk marka naran “KAY RALA XANANA” kalsa metan hamutuk ho luvas ba Xanana Gusmão.

Bainhira iha jogu klaran lider ne’e obrigadu tenke fila ba uma hodi deskansa tanba kondisaun saúde la permite no kolen uitoan.

Jornalista   : Hortencio Sanchez

Editór        : Francisco Simões

HAKEREK NO HATÁN

Please enter your comment!
Please enter your name here