Violénsia seksuál. Imajen/Google

DILI, 22 outubru 2020 (TATOLI)-Tribunál Distritál Dili (TDD) liuhosi desizaun juis koletivu kondena arguidu RGL ho pena prizaun tinan-haat tanba  faktu provadu komete krime violasaun seksuál iha artigu 172 no krime tentativa iha artigu 23 iha kódigu penál Timor-Leste.

Durante produsaun prova Tribunál  nian liuhosi deklarasaun parte sira, haree no tetu sirkunstánsia hotu, hodi aplika pena refere ba arguidu RGL.

Tuir faktu ne’ebé prodús hosi Ministériu Públiku katak, iha loron 26 juñu 2018, iha tuku 21:00 Otl,  iha Munisípiu Liquiça, lezada ho inisiál FSA kontaktu nia namoradu DCA atu sira hasoru malu.

Hafoin lezada ho nia namoradu hasoru malu, arguidu RGL mós tuir ba haree, tanba ne’e lezada nia doben soe hela lezada hodi hosik fatin ne’e.

Bainhira lezada nia doben sees tiha hosi fatin sira hasoru malu, arguidu aproveita hodi obriga no halo violasaun ba lezada.

Prosesu julgamentu ne’e prezide hosi Juiza Maria Solana, Ministériu Públiku (MP) reprezenta hosi Prokuradora Benvinda do Rosario, arguidu hetan asisténsia legal hosi Advogadu Privadu Domingos Pinto.

Jornalista   : Nelson de Sousa

Editór        : Francisco Simões

HAKEREK NO HATÁN

Please enter your comment!
Please enter your name here