Logotipu TDD. Imajen Tatoli/Egas Cristóvão

DILI, 22 outubru 2020 (TATOLI)-Tuir ajenda  audiénsia julgamentu Tribunál Distritál Dili (TDD), ohin, hosi parte Ministériu Públiku (MP) no defeza halo alegasaun ba kazu omisídiu simples, maibé parte TDD adia fila-fali.

Juiza prosesu Maria Solana, hateten, Tribunál adia tanba tuir arguidu 252 iha kódigu penál  kona-ba prinsípiu investigasaun atu bele hetan faktu ne’ebé loos hodi bele foti desizaun ne’ebé justu, ho  nune’e Tribunál halo rekerimentu  durante prazu loron sanulu presiza konfirma ba parte Ospitál Nasionál Guido Valedares (HNGV)  bele konfirmasaun teste efeitu hosi   kanfra (kapur baros)  ne’ebé arguida tenta atu lasu lezadu kahur ho kafé atu hemu.

“Ha’u adia fila-fali julgamentu ne’e ba iha loron 4 novembru, tinan ne’e, iha tuku 11:00 dadeer hodi bele tama fali ba alegasaun,” Juiza Maria Solana pronunsia  iha  sala audiénsia

Tuir  faktu ne’ebé arrola hosi MP katak, arguida ARA no lezadu PS iha loron 12 fevereiru 2015, maizumenus iha tuku 8:00  dadeer, iha rezidénsia Kintal-Boot, Suku Santa Cruz, Munisipiu Dili, arguida prepara kafé ba  lezadu  no lezadu kaer toman arguida kuandu nia kedok hela kafé iha sikra hasai mós hosi nia bolsa buat mutin ida ikus mai koñese naran kanfra (kapur baros) kahur iha kafé ne’ebé nia prepara hodi fó ba lezadu atu hemu.

Hafoin prepara kafé  atu haruka lezadu hemu , maibé lezadu la hemu no husu ba arguida katak, “ohin o halo kafé ne’e kahur buat ruma iha kafé n’ee karik”.

Arguida hatán hodi rejeita katak , lae ida, lezadu foti kafé iha kopu atu hemu horon is kanfra kahur hamutuk ho kafé.

Haree  ba aktu ne’e  livre, deliberada ho   konsentimentu  arguida hatene katak kanfra ho  kafé  ho nia karakterístika, hanesan instrumentu ne’ebé aptu hodi provoka koko atu hamate lezadu, hahalok ne’e la alkansa  tanba lezadu kaer toman.

Konduta ne’e hetan punisaun tuir lei material ho forma tentada, ba krime hanesan ko-autór omisídiu simples  tuir artigu 231 iha kódigu penal.

Jornalista   : Nelson de Sousa

Editór        : Francisco Simões

HAKEREK NO HATÁN

Please enter your comment!
Please enter your name here