Magnífiku Reitór UNPAZ, Adolmando Amaral. Imajen: Nelia Fernandes

DILI, 22 outubru 2020 (TATOLI)—Estudante finalista (semester VI), Fakuldade Enjiñaria Departementu Arkitetura Indústria no Enjiñaria Sivíl hosi Universidade da Paz (UNPAZ) hamutuk ema na’in 245, sei hala’o sira-nia atividade estájiu profisionál durante loron 30.

Reitór UNPAZ, Adolmando Amaral, hateten estudante sira ne’e sei hala’o estájiu profisionál iha instituisaun públiku no privada sira  komesa iha 23 outubru to’o novembru 2020 hodi prepara sira nia-an molok hakerek monografia no hakat ba graduasaun.

Notísia Relevante :UNPAZ sei simu estudante foun 1.500 iha 2020

“Estudante sira rasik mak sei ba kontaktu ho instituisaun ne’ebé atu halo estájiu. Bainhira iha konfirmasaun pozitivu katak simu, maka, ita foin halo karta koñesimentu ba instituisaun sira ne’e,” Adolmando Amaral  hateten ba jornalista sira iha kna’ar fatin UNPAZ Manleuana, ohin.

Reitór ne’e mós rekoñese katak, estudante na’in 245 ne’e presiza duni hetan esperiénsia foun atu prepara sira nia-an ba prosesu tuir mai liuhosi prátika iha instituisaun oioin.

“Durante ne’e sira hetan ona siénsia no teknolojia iha ensinu aprendizajen no agora presiza hatudu saida mak sira hetan durante ne’e maski iha de’it loron 30, maibé tenki hatudu duni sira -nia kualidade,” nia subliña.

Notísia Relevante :IOB-UNPAZ seidauk simu kalendáriu graduasaun husi Governu

Jornalista: Tomé Amado

Editór: Agapito dos Santos

HAKEREK NO HATÁN

Please enter your comment!
Please enter your name here