Embaixada Real Thailandia iha Dili hamutuk ho Fundasaun Prémiu Princesa Maha Cakri, ohin, realiza konferénsia virtuál ba Prémiu Mahacakri ba datolu iha Timor Plaza. Imajen TATOLI/Nelia Borges.

DILI,  22 outubru 2020 (TATOLI)—Embaixada Real Tailándia iha Dili hamutuk ho Fundasaun Prémiu Prinseza Maha Chakri, ohin, realiza konferénsia virtuál ba Prémiu Mahacakri ba datolu iha Timor Plaza, Dili, ne’ebé hahú hosi loron  22-23 outubru tinan ida-ne’e.

Abertura ba konferénsia ne’e prezide hosi Sua Alteza Prinseza Maha Chakri iha Bangkok Tailándia. Iha konferensia ne’e, profesór premiadu sira hosi nasaun sudeste aziátika no Timor-Leste fahe esperiénsia no metódu hanorin  ne’ebé susesu hodi inspira estudante sira iha sira-nia estudu no atividade eskola nian.

Embaixada Real Tailándia iha Dili hamutuk ho Fundasaun Prémiu Princesa Maha Cakri, ohin, realiza konferénsia virtuál ba Prémiu Mahacakri ba datolu iha Timor Plaza. Imajen TATOLI/Nelia Borges.

Entretantu, Prémiu Mahacakri ne’e distribui kada tinan rua ba profesora sira hosi nasaun sudeste aziátika inklui Timor-Leste ba kontribuisaun ne’ebé halo hodi muda estudante sira nia moris, liuliu ba grupu desvantazen sira.

Timor-Leste sai vensedor ba Prémiu Maha Chakri iha 2015 ne’ebé prémiu refere dedika ba profesór Júlio Ximenes  no iha 2017 prémiu refere dedika ba Profesór, Leopoldino Guterres, nune’e mós iha tinan 2019 prémiu refere hetan nafatin hosi Timor no dedika ba profesora Lurdes Rangel Gonçalves.

Embaixada Real Tailándia iha Dili hamutuk ho Fundasaun Prémiu Prinseza Maha Cakri, ohin, realiza konferénsia virtuál ba Prémiu Mahacakri ba datolu iha Timor Plaza. Imajen TATOLI/Nelia Borges.

Alteza Prinseza Maha Chakri Sirindorn hahú hala’o atividade edukasaun iha Tailándia iha tinan 1980, nune’e iha 2014 kontinua suporta Timor-Leste nia atividade edukasaun liuhosi implementasaun projetu kolaborasaun no dezenvolvimentu labarik no juventude iha eskola haat iha Timor-Leste mak eskola bázika filiál Akanunu, Eskola Bázika Sentrál Hera, Eskola Bázika Sentrál Fatukero no Eskola Bázika Filiál Dona Ana Lemos Gleno.

Liurai-Feto Maha Chakri Sirindorn

Liurai-Feto Maha Chakri Sirindorn nu’udar figura ne’ebé povu Tailándia iha ninia aman nia sorin. Nia moris iha 02 abríl 1955. Sirindorn ema ida ne’ebé dilijente, gosta tebes istória. Nia domina dalen Inglés, França, Xina, Alemaña, Latina no mós Tailándia.

Nia asume kargu Prezidente Crus Vermelha Tailándia ne’ebé lori nia mout iha asaun solidariedade be ua’in ba ua’in. Tanba ne’e mak povu hadomi tebes nia no dalaruma nia reprezenta liurai Tailándia iha serimómia formál oin-oin.

Iha tinan lubun ikus nian, Sirindorn sai hanesan ema ida-ne’ebé hosi família monarkia (reino) ne’ebé iha ninia vizaun estraordinária. Nia hatutan tradisaun ne’ebé nia aman nian mak apoiu dezenvolvimentu suku sira iha Tailándia nia laran tomak. Iha tinan 1977, Raja Bhumibol (nia aman) nomea Siridorn ba nivel ne’ebé aas liu mak Liurai-Feto, iha tinan tolu hafoin Konstituisaun Tailándia halo amandamentu no fó espasu ka fatin ba “feto” sai liurai. Sirindorn la hola mane no laiha oan.

Liurai-Feto Maha Chakri Sirindorn, nia aman Bhumibol Addulyadej mak liurai Tailándia no nu’udar monarkia ne’ebé kleur liu kaer ukun no bandu iha mundu rai-klaran. Liurai ne’e nia naran formal hanaran “Rama IX”, Bhumibol nu’udar jerasaun hosi dinasti Chakri ne’ebé domina rai Elepante-Mutin iha séuku-18.

Journalista: Nelia Borges

Editór: Cancio Ximenes

HAKEREK NO HATÁN

Please enter your comment!
Please enter your name here