Diretór Dirasaun Administrasaun Lokál, Sebastião Pereira. Imajen TATOLI/Osória Marques.

DILI, 21 outubru 2020 (TATOLI)–Governu liuhosi Ministériu Administrasaun Estatál (MAE), ohin, submete tan ona dadus reklamasaun hamutuk 6.732 ba Ministériu Solidariedade Sosiál no Inkluzaun (MSSI) atu prosesa ba prosesu tuir mai.

Notísia Relevante: MAE kontinua halo prosesu ba reklamasaun 12.725

Diretór Diresaun Administrasaun Lokál Ministériu Administrasaun Estatál (DAL-MAE), Sebastião Perreira, informa totál reklamasaun ne’ebé MAE simu hosi autoridade munisipál sira hamutuk 6.732 kompostu hosi Munisípiu Baucau 835, Dili 3.515, Ermera 692, Covalima 422, Lautén 853, Postu Administrativu Bazartete, Munisípiu Liquiça 206, Postu Administrativu Laulara no Aileu Vila,  Munisípiu Aileu hamutuk 209.

“Ohin, ita submete ona dadus reklamasaun sira ne’e ba MSSI atu kontinua prosesa ba prosesu tuir mai,” dehan Diretór Diresaun Administrasaun Lokál (DAL-MAE), Sebastião Perreira, ba jornalista Agência TATOLI iha nia knaar fatin, Colmera, Dili, kuarta ne’e. 

Kona-ba bainhira mak taka sai lista naran iha sede suku, nia hatán, ida-ne’e falta komunikasaun entre MAE ho autoridade munisipál sira tanba ne’e hamosu erru iha terrenu no ikus taka sai naran ne’ebé mak tuir loloos atu konfirma de’it ho lista benefisiáriu ne’ebé sira rejistu iha livru suku nian.

Jornalista: Osória Marques

Editór: Cancio Ximenes

HAKEREK NO HATÁN

Please enter your comment!
Please enter your name here