Kondenadu sira ne’ebé halo falsifikasaun ba dokumentu veteranu. Imajen Tatoli/Nelson de Sousa

DILI, 21 outubru 2020 (TATOLI)- Xefe Estadu Maiór Jenerál FALINTIL-Forsa Defeza Timor-Leste (F-FDTL), Majór Jenerál Lere Anan Timur, agradese ho servisu Tribunál Distritál Dili (TDD) ne’ebé foti desizaun hodi kastigu autór sira ne’ebé fasilita dokumentu veteranu.

Notísia Relevante : Falsifika dokumentu veteranu, arguidu sira hetan pena prizaun tinan-lima ho tinan-sia

Lere dehan, problema veteranu falsu ohin akontese maka’as tebes iha Timor-Leste, tanba ne’e nia husu atu órgaun judisiáriu halo ninia papél fó kastigu ba autór sira atu labele repete lista veteranu falsu mosu beibeik iha Timor-Leste.

Xefe Estadu Maiór F-FDTL, Majór Jenerál Lere Anan Timur. Imajen Tatoli/Egas Cristovão

“Lei ne’e iha ona, se maka falsifika nia tenke hasoru lei, tanba foin lalais dehan kaer ona ema na’in haat ka lima dehan ba ona kadeia  tinan-lima ho tinan-sia, lei maka deside sira,” Lare afirma hodi responde jornalista, ohin, iha Palásiu Prezidensiál, Dili.

Lere husu ba Ministru ba Asuntu Kombatente Libertasaun Nasionál (MACLN), Júlio Sarmento da Costa Meta Malikho ekipa atu buka tuir nafatin lista veteranu falsu kuaze 500-resin ne’ebé aprezenta ona ba Ministériu Públiku no akompaña hodi hetan nia rezultadu finál.

Notísia Relevante : Lista veteranu falsu na’in-500-resin ba ona Ministériu Públiku

Jornalista   : Eugénio Pereira

Editór        : Francisco Simões

HAKEREK NO HATÁN

Please enter your comment!
Please enter your name here