Sesaun abertura ne’e loke hosi Prezidente Parlamentu Nasionál, Deputadu Aniceto Longuinhos Guterres Lopes, Embaixadór Portugál iha Timor-Leste José Pedro Machado Viera, Embaixadór Brazil iha Timor-Leste Aldemo Garcia no Xefe Gabinete Ministériu Edukasaun, Juventude no Desportu Raimundo José Neto. Imajen TATOLI/Evaristo Soares Martins.

DILI, 21 outubru 2020 (TATOLI)—Fundasaun Oriente iha Timor-Leste realiza feira ba públiku durante loron haat ho tema “Pássaros êm Asas Pessoas Livros”. Feira livru ne’e ho  objetivu atu promove livru no hasa’e koñesimentu leitura ba timoroan sira, espesialmente ba labarik sira.

Fundasaun Oriente iha Timor-Leste hahú hosi 21 to’o 24 outubru realiza feira 2020. Iha eventu ne’e fa’an livru ho versaun lian portugés, tetun no lian inglés ho diskontu ba públiku, inklui programasaun kulturál ligadu ho livru literatura no ema hotu bele vizita hotu gratuita.

Sesaun abertura ne’e loke hosi Prezidente Parlamentu Nasionál, Deputadu Aniceto Longuinhos Guterres Lopes, Embaixadór Portugál iha Timor-Leste José Pedro Machado Viera, Embaixadór Brazil iha Timor-Leste Aldemo Garcia no Xefe Gabinete Ministériu Edukasaun, Juventude no Desportu Raimundo José Neto.

Iha sesaun abertura ne’e mós lansa livru ho fábula koletiva “O Sonho do Crocodilo” hosi estudante CAFE Manatuto lidera hosi profesor Mário Meireles.

Hafoin sesaun abertura, Prezidente Parlamentu Nasionál, Deputadu Aniceto Longuinhos Guterres Lopes, sente feira livru ne’e simples maibé ho signifikadu boot tanba ho maneira no programa refere bele motiva timoroan sira iha ábitu leitura.

“Ne’e promove ábitu leitura (budaya membaca). Ha’u haree ita iha Timor kuaze laiha. Ne’e hanesan preokupasaun permanente ha’u-nia tanba durante ha’u haree ábitu leitura ne’e laiha,” Aniceto Guterres, informa ba jornalista sira iha Fundasaun Oriente, Bairru dos Grilhos, Suku Grincenfor, Dili, kuarta ne’e.

Delegada Fundasaun Oriente iha Timor-Leste, Joana Saraiva, esplika feira livru hanesan atividade ida-ne’ebé Fundasaun Oriente hamutuk ho parseiru sira iha Timor-Leste, bainbain hala’o iha Timor durante tinan naruk ona ho nia objetivu promove leitura no promove asesu ba livru sira ho versaun lian portugés, tetun no inglés.

Delegada Fundasaun Oriente iha Timor-Leste, Joana Saraiva. Imajen TATOLI/Evaristo Soares Martins.

“Ida-ne’e ami halo kooperasaun ho livreiru sira direta ho Fundasaun Oriente. Livru sira-ne’e maioria lian portugés maibé ho lian Tetun mós iha no lian Inglés mós balun iha. Feira livru ne’e hanesan kontribuisaun ida hodi hasa’e koñesimentu iha prosesu aprendijazen ba língua portugeza, hanesan mós dalan ida atu hasa’e vokabuláriu no hametin portugés,” nia hateten.

Delegada Fundasaun Oriente ne’e hatutan, iha literatura ne’ebé sei promove mós istória sira la’ós manual eskola ho disionáriu de’it maibé leitura ne’ebé ema haree filme, sira rona múzika hodi aumenta kreatividade, aumenta vokabuláriu hodi hametin koñesimentu iha área oin-oin.

“Ami-nia objetivu mak kontribui ba hodi fó asesu ba joven sira, estudante sira no públiku tomak ho folin $1 dolllar, $2 dollar, $3 dollar no foin boot liu mak $25 dolár nune’e públiku tomak iha kondisaun bele sosa livru ne’e,” nia dehan.

Programasaun kulturál

Feira livru ne’ebé organiza hosi Fundação Oriente loke ba públiku, hahú hosi 21 to’o 24 de outubru hanesan programasaun kulturál ligada ba livru no literatura, públiku bele asesu gratuita maibé folin livru ne’e hahú hosi dollar $1.

Estudante CAFE sira lee hela livru iha Fundasaun Oriente. Imajen TATOLI/ Evaristo Soares Martins.

Iha loron kuarta ne’e mós lansa livru ida ho títulu “O sonho do Crocodilo” ho fábula koletiva (dongeng kolektif) hosi Sentru Aprendizajen no Formasaun Eskolár (CAFÉ-sigla portugés) Manatuto nian.

Nune’e mós iha ámbitu livru “Sonho do Crocodilo” halo mós fábula koletiva sira hanesan leitura, múzika no dansa hosi studante CAFE Manatuto (jardim).

Iha feira ne’e hala’o konversa literária (auditóriu) orizonte literatura Timorense hosi Dulce Turquel, João Paulo Esperança, Vicente Paulino, Hercus Santos no mediadór mak Hérica Pinheiro hosi MESCC, Universidade Coimbra, iha sala auditoria Fundasaun Oriente.

Tama iha fali iha jornada pedagójika, Ofisina Rekursu multimédia: Viajen dijitál entre imajináriu timorense no mundo hosi Márcia Pinto, David Rodrigues nio Tomé Martins, CLP-UNTL/Projetu FOCO-UNTL, iha jardín Fundasaun Oriente.

Hafoin ne’e tama fali múzika no literatura hosi koru profesór CAFE Díli nian no konversa literária, ne’ebé aprezenta livru ho títulu “O Sonho do Crocodilo” CAFE Manatuto nian.

Iha loron 21 outubru ne’e mós hala’o sensibilizasaun muzikál ba labarik sira idade tinan 4 to’o 6 hosi João Rocha. Nune’e mós João Rocha hala’o sensibilizasaun muzikál ba labarik sira ho idade tinan 7 to’o 11.

Purtantu iha loron 22 outubru (loron daruak) hala’o deklamasaun ka ensenasaun poema urjente hosi Eugénio de Andrade ba estudante CAFE Dili nian.

Iha loron daruak ne’e mós hala’o rogramasaun Infantil (Recanto da Leitura): kontasaun istória no brincadeiras, hosi “Haktuir Ai-Knanoik”

Nune’e mós hala’o programasaun infantil (Recanto da Leitura) – Atelier livre: kontasaun istória, dezeñu, pintura, artezanatu ho resikladu no pintura fasiál hosi Lem. Konversa literária–peizia hanesan reflesaun hosi Abé Barreto no MSB Study Club.

Programasaun daikus hosi loron daruak ne’e kontinua múzika no literatura-poezia muzikada hosi Abé Barreto no MSB Study Club.

Entretantu iha loron 23 outuburu (loron datoluk hatudu dansa tradisionál Timorense ho deklamasaun poema de José Saramago hosi CAFE Ermera. Tuir mai hala’o aprezentazasaun hosi Biblioteca do Centro Cultural Portugués. José Saramago aprezenta livru espediál ho ekipa CLP-UNTL/Projeto FOCO.UNTL.

Iha loron daruak ne’e loke sinema no literatura-drama: Ensaiu kona-na Cegueira (Brazil-Japaun-Kanadá) nian, programasaun infanti: kontasaun istória, dezeñu, pintura, resikladu no pintura fasiál hosi Lem no halo konkursu deklamasaun púizia.

Purtantu iha loron 24 outubru 2020 (loron ikusliu) hala’o aprezentasaun biblioteka CCP, kontinua kafé literatura kona-ba “A Maior Flor do Mundo” José Saramago ba adultu no labarik sira, sinema no literatura, sinema no literatura dokumentáriu hanesan biografia hosi eskritór portugés José Saramago.

Iha loron ikus ne’e mós halo aprezentasaun múzika no literatura – poema muzikál no deklamasaun poema hosi CAFE Liquiçá, sinema no literatura–Comédia: O Auto da Compadecida (Brasil, 2000, 104min), de Guel Arraes.

Nune’e mós kontinua programasaun infantil (Recanto da Leitura) ba labarik sira kona-ba istória, dezeñu, pintura, resikladu no pintura fasiál, hosi “Haktuir Ai-Knanoik” no Lem no kontinua múzika no literatura–Caçador de Sóis, Tributo a João Monge, hosi João Rocha.

Jornalista: Evaristo Soares Martins

Editór: Cancio Ximenes

HAKEREK NO HATÁN

Please enter your comment!
Please enter your name here