Xefe Gabinete Estudu no Planeamentu Instituisionál Ministériu Solidariedade Sosiál no Inkluzaun (GEPI-MSSI), Gil da Cruz. Imajen TATOLI/osória Marques.

DILI, 20 outubru 2020 (TATOLI)–Xefe Gabinete Estudu no Planeamentu Instituisionál Ministériu Solidariedade Sosiál no Inkluzaun (GEPI-MSSI), Gil da Cruz, hateten iha tinan 2021 ne’e MSSI sei implementa planu prioridade ualu (8) ho totál orsamentu ne’ebé mak prevee hamutuk $62,760.

“Proposta orsamentu MSSI nian ba 2021 nian ne’ebé mak prevee ba programa ualu hamutuk $62,760,” Gil da Cruz ba Agência TATOLI iha nia knaar fatin MSSI, Caicoli, Dili, tersa ne’e.

Nia hatutan, ba tinan 2021 ne’e implementasaun polítika dahuluk mak polítika bazea ba jéneru, reabilitasaun sosiál no akonselamentu rekuperasaun ne’ebé liga ho ema ho defisiénsia, reinstrusaun inkluzaun komunitária, sistema integradu protesaun sosiál, HIV/SIDA, promosaun protesaun seguransa, promosaun protesaun direitu labarik no boa governasaun.

“Ita iha planu prinsipál ho programa ualu ne’e mak sai nafatin prioridade hodi implementa iha 2021 nian,” nia hateten. 

Tanba, nia dehan, durante ne’e Governu moris ho DOT entaun MSSI kontinua nafatin programa hirak ne’ebé maihosi 2019 nian maibé la taka dalan ba 2020 tanba programa hotu hosi 2019 no kontinua halo implementasaun ba 2021.

Nia dehan, osan ne’ebé mak prevee ba programa ualu hamutuk $62,760 inklui ona ho saláriu no vensimentu, fundu transferénsia, kapitál dezenvolvimentu, kapitál menór  no ben servisu.

Jornalista: Osória Marques

Editór: Cancio Ximenes

HAKEREK NO HATÁN

Please enter your comment!
Please enter your name here