Governu Apresentasaun Plano Rekoperasaun Ekonómika Reprezentante Povu iha uma fukun Parlamento nasional. iha Sala Plenáriu PN, Tersa (20/10). Imajen Tatoli/Egas Cristovão

DILI, 20 outubru 2020 (TATOLI)—Bankada Frente Revolusionária Timor-Leste Independente (FRETILIN) kontragula Governu nia planu rekuperasaun ekonómika ne’ebé sita mós programa cesta básica tanba sei benefísia agrikultór sira.

Xefe Bankada FRETILIN, Deputadu Francisco Miranda Branco, kongratula planu rekuperasaun ekonómika tanba dezeña iha governasaun ida-ne’e hodi buka medida atu-bele tenta rekupera liuhosi faze emerjénsia no faze pós-emerjénsia.

Nia esplika, agora daudaun faze emerjénsia atu fó resposta ba kestaun sira-ne’ebé define tiha ona iha kuadru legál governu nian.

“Haree ba medida kurtu prazu Cesta Básica mak tui rami-nia presepaun sei benefísia ita-nia produtór agrikultór sira, ne’ebé prodús diversu produtu báziku alimentár ne’ebé ke ita iha,” Xefe Bankada FRETILIN kongratula liuhosi debate planu rekuperasaun ekonómika iha Parlamentu Nasionál, tersa ne’e.

Xefe Bankada FRETILIN ne’e mós fiar, programa refere sei benefísia setór komersiál sira ka setór privadu, traballadór  sira no to’o ikus programa refere sei benefísia sidadaun hotu-hotu iha rai ida-ne’e.

Nia dehan, programa cesta básica ne’e sei benefísia mós empregadór sira-ne’ebé fó servisu ba traballadór timoroan sira.

Xefe Bankada FRETILIN ne’e lamenta tanba durante tinan baruk Timor-Leste laiha sistema baze dadus hodi fasilita Governu atu ezekuta programa prinsipál sira.

Nia dehan, durante tempu naruk laiha sistema baze dadus prezudika Governu atu ezekuta programa importante sira.

Maske nune’e, Deputada Bankada CNRT, Virgínia Ana Belo, diskorda totalmente tanba sensu uma kain produs sistema dadus kompletu.

“Sensu uma-kain ne’e la’ós dadus ka,” Eis Prezidente Komisaun D (Ekonomia no Dezenvolvimentu) ne’e levanta liuhosi plenária.

Jornalista: Evaristo Soares Martins

Editór: Cancio Ximenes

HAKEREK NO HATÁN

Please enter your comment!
Please enter your name here