Rahabilitasaun Antigu Ospitál, Wirahusada, Lahane atinji ona 95 %.. Imajen tatoli/António Gonçalves

DILI, 20 outubru 2020 (TATOLI)—Kompañia HEDGE Contraction LDA, daudaun ne’e finaliza ona projetu reabilitasaun Ospitál António de Carvalho Lahane Dili, no tuir planu iha fulan-novembru sei entrega ona ba Governu liuhosi Ministériu Saúde.

Bazeia ba BOQ (Bill of Quantity), Kompañia tenke taka kalen foun, plafon no instalasaun eletrisidade foun, drainazen, dada bee-moos no seluk tan ho kustu orsamentu hamutuk millaun $4.51.

Notísia Relevante:Reabilitasaun Ospitál Lahane atinje pursentu 90

Na’in ba Kompañia HEDGE Contraction LDA, Francisco Moniz, informa projetu ne’e atinje ona porsentu 100 (%) tanba kompañia komesa implementa obra ne’e iha fulan-juñu no ramata iha setembru 2020.

”Reabilitasaun Ospitál António Carvalho Lahane, to’o ona porsentu 100 (%) hela de’it eletrisidade mak Ministériu Saúde sei konsulta ho EDTL tanba durante ne’e ami atu tau ona trafo maibé EDTL haruka ami para tiha, tanba  ne’e mak sira (Ministériu Saúde-red) sei ko’alia kona-ba eletrisidade,” Na’in ba kompañia, Francisco Monis, informa ba Tatoli, via telefone, segunda ne’e.

Nia esplika liña eletrisidade ne’ebé liga ba Ospitál Antigu Lahane ninia trafo sei liga hamutuk ho komunidade iha fatin ne’ebá tanba ne’e maka  Ministériu Saúde sujere atu monta trafo ida ketak ba Ospitál Lahane.

Entretantu, Ospitál Lahane iha sala izolamentu haat, sala admintrasaun no hariis-fatin inklui sala sira seluk tan ne’ebé sei uza atu halo tratamentu ba pasiente COVID-19.

Notísia Relevante:MS Uza Ospitál Lahane ba Prevensaun COVID-19

Jornalista : FelicidadeXimenes

Editór:Agapito dos Santos

HAKEREK NO HATÁN

Please enter your comment!
Please enter your name here