Prezidente Tribunál Rekursu, Deolindo dos Santos. Imajen Tatoli /Egas Cristovão

DILI, 20 outubru 2020 (TATOLI)-Prezidente Tribunál Rekursu (PTR), Deolindo dos Santos, klarifika katak, lei fó dalan ba abitante sira ka sidadaun sé de’it bele halo rekursu ba desizaun Tribunál nian.

PTR Deolindo  dos Santos hato’o asuntu ne’e hodi responde ba preokupasaun Prokuradór Jerál Repúblika (PGR), José Ximenes, nian kona-ba desizaun Tribunál Distritál Dili (TDD) nian iha primeiru instánsia ne’ebé foin lalais aplika de’it pena  kaman ho de’it tinan-lima  ba arguidu  Casimiro Mateus Botelho, nu’udar arguidu  ba kazu tráfiku ilísitu droga.

Notísia Relevante : MP halo rekursu kontra desizaun TDD ba krime tráfiku ilísitu droga

Deolindo dos Santos hatutan, atu emite opiniaun di’ak liu emite prosesu legal hosi rekursu, nune’e juis sira iha Tribunál superior bele avalia katak desizaun ne’e loos k la loos no pena ne’e adekuadu ka la’e.

“Bainhira parte ida la konkorda ho desizaun iha direitu tomak ne’ebé iha lei prosesu penál admite nia bele rekorre ba Tribunál Rekursu hafoin haree fila-fali iha razaun ka laiha razaun so depois maka Tribunál Rekursu pronunsia,’’ PTR Deolindo dos Santos, hateten ba jornalista, ohin, iha Palaçio Prezidensiál, Dili.

Jornalista   : Nelson de Sousa

Editór        : Francisco Simões

HAKEREK NO HATÁN

Please enter your comment!
Please enter your name here