Gally, jogadór hosi Lalenok FC hit liman-rua hodi selebra vitória. Imajen/Dok. Mídia FFTL

DILI, 20 outubru 2020 (TATOLI) – Jogadór Lalenok United FC, Paulo Gally (21) hetan títulu “man of the match” ika kopa Federasaun Futeból Timor – Leste (FFTL), epoka ne’e. Aleinde ne’e,   Gally simu tan osan ho montante $250,00 nu’udar oferta hosi Telekomcel.

Notísia Relevante : “Ganhar por pouco” 2-3, Lalenok ultrapasa ba finál

Prémiu  “Man of the match” ne’ebé Gally simu  hanesan biskoit, susubeen no seluk tan ne’ebé oferese hosi kompaña Pateo.

“Ha’u sente kontente tebes. Prémiu sira mai ha’u hanesan grasa ida hodi dudu nafatin ha’u no motiva nafatin ha’u iha jogu sira tuir mai,” Gally hateten liuhosi konferensia imprensa  iha Estádiu Munisipál Dili, hafoin tebe sai  Boavista FC Timor hosi kopa FFTL ho escore 3-2, tersa (20/10).

Nia dehan, liuhosi prémiu sira hanesan ne’e bele motiva jogadór sira atu hatudu prestasaun jogu iha kopa FFTL, epoka ne’e.

lori Lalenok ba vitória

Avansadu Lalenok United FC, Paulo Gally (21) iha ambisaun no mehi boot hakarak lori Lalenok sai kampiaun ba kopa Federasaun Futeból Timor – Leste (FFTL), époka ne’e.

Mehi ne’ebé jogadór selesaun nasionál ne’e iha daudauk ne’e tama ona ba faze ikus hodi hatene Lalenok kampiaun ka lae. Basa, sira hadau ona tiketi hodi joga iha finál.

Antes ne’e, Gally deklara ona ba Agência Tatoli katak hakarak ka lakohi sei lori duni Lalenok ba vitória. Tanba ne’e, iha jogu finál nia sei esforsa an maka’as hodi fó vitória ba Lalenok  para bele realiza nia  kompromisu ho adeptu Lalenok.

“Iha finál ha’u sei haka’as an hodi hatudu jogu ne’ebé di’ak, nune’e ami bele manan,” Gally hateten mezmu nia mós rekoñese jogu kampu laran la’ós fasil, maibé liuhosi esforsu mak sei hatudu rezultadu di’ak.

Jornalista   : Hortencio Sanchez

Editór        : Francisco Simões

HAKEREK NO HATÁN

Please enter your comment!
Please enter your name here