Eis Prezidente Komisaun C-PN, Fernanda Lay. Imajen Tatoli/António Gonçalves

DILI, 20 outubru 2020 (TATOLI)—Bankada Congresso Nacional da Reconstrução de Timorense (CNRT) liuhosi Deputada Maria Fernanda Lay preokupada ho pagamentu reklamasaun uma-kain no programa cesta básica.

“Pagamentu ba terseira idade ba Dili de’it maioria seidauk simu. Tanbasá? Osan laiha? Nune’e pagamentu reklamasaun ba uma-kain $200 mais $100 dollar iha juñu ka tuir planu Governu nian, ha’u la hatene kanseladu? Ou troka ho subsídiu cesta básica,” Deputada Bankada CNRT ne’e levanta kestaun ne’e iha ámbitu debate planu rekuperasaun ekonómika iha Parlamentu Nasionál, tersa ne’e.

Deputada Maria Fernanda Lay husu Governu esplika fukun ne’ebé difikulta governu to’o agora seidauk halo pagamentu reklamasaun tanba pendente to’o agora.

Eis Prezidente Komisaun C (Finansa Públika) ne’e husu Governu atu esplika kla’an programa cesta básica ne’e tanba uza liu produtu lokál.

“Ha’u-nia pergunta mak ne’e diferénsa ema estranjeiru ho naun-estranjeiru ka lae,” nia husu ba Governu atu halo esplikasaun.

Membru Komisaun C ne’e mós esplika, liga ho aprezentasaun ne’ebé aprezenta hosi UNDP kona-ba implikasaun sósiu-ekonómiku tanba UNPD/PNUD nia relatóriu dehan to’os laran estraga tanba rai manas, lakon balada ka animál tanba peste, moras peste akontese iha to’os sira ne’ebé fó impaktu ba ai-fuan sira.

Entretantu despeza programa Cesta Básica ne’e hamutuk millaun $113,4 hodi finánsia atividade hotu liuhosi Fundu COVID-19 iha OJE 2020.

Hosi montante orsamentu millaun $113 ne’e atribui ba programa Cesta Básica hahú hosi fulan-novembru no dezembru millaun $71,5.

Jornalista: Evaristo Soares Martins

Editór: Cancio Ximenes

HAKEREK NO HATÁN

Please enter your comment!
Please enter your name here