Prezidente Timor Gap sesante, Francisco da Costa Monteiro halo hand over ba atuál Prezidente Timor Gap, António José Loiola de Sousa, segunda (13/07). Imajen/Natalino Costa

DILI, 17 outubru 2020 (TATOLI)–Prezidente Konsellu Administrasaun Timor Gas no Petróleu, Empreza Públika (Timor Gap,E.P), António José Loiola de Sousa, hateten aspirasaun povu Timor-Leste nian ne’e hakarak dada kadoras mai Timor-Leste maibé atu dada mina mai ne’e komplikadu tebes tanba ne’e labele hanoin to’o ne’ebá.

“Ita atu dada mina mai Timor-Leste ne’e komplikadu tebes. Ita sei iha faze Governu tanba Governu ho Governu seidauk iha konkordánsia no kontratu seidauk iha depois entre kompañia laran mós seidauk iha alinamentu,” dehan Prezidente Timor Gap, António José Loiola de Sousa, ba jornalista sira iha salaun UNITAL Becora, Dili, sábadu ne’e.

Nia dehan, setór petrolíferu dahuluk ne’e upstream mak uluk signifika atividade produsaun iha ne’ebé hahú hala’o ho upstream mak buka fontes atu esplora

Tanba saida mak nia tenke iha oin, nia dehan, tanba Bayu Undang nesesidade tebes liuliu ba Governu Timor-Leste atu oinsá mak Timor Gap mai ho nia estudu ida kle’an.

Depois iha 2022 ne’e, rekursu rezerva mina no gas hira mak iha rai okos. Seraké iha opsaun no iha posibilidade saida mak sei deside no hala’o iha futuru.

“Mak hafoin ita aprezenta ba Autoridade Nasionál Petrolíferu Minerais (ANPM) no Governu mak deside no fó desizaun. Tanba faze ida agora ne’e faktu hatudu katak proporsionalidade ne’e laiha,” nia dehan. 

Hanesan sidadaun ida, nia hateten, iha hanoin ida katak tenke kria kondisaun ida estabilidade ba seguransa no defeza ba inserteza garante ema hira mak investe.

“Tanba to’o agora ita-nia inimigu mak dezenvolvimentu mak hodi lori prosperiedade ba nasaun no povu ida-ne’e tanba tinan hira nia laran ita laiha esforsu hodi fó proporsaun solusaun rezervasaun. Tanba ne’e, ba oin tenke esforsu-aan liuhosi peskiza,” nia esklarese.

Jornalista: Osória Marques

Editór: Cancio Ximenes

1 KOMENTÁRIU

  1. Ita nia mentalidade pesimistis no inferior nebe mak colonialista sira kuda hela aumenta tan ho intereae grupo k partidarismo sei sai desafio!!!
    La’os procedemento teknik mak ita questiona importante mak ita nia pensamemto nebe mak optimis no hatudo komitmento nasionalismu katak rai ne’e persija ita hotu nia kontribuisaun ho fuan la’os ho retorika new colonialismu nian pior liu iha era moderen nebe buat hotu lais no praktis ita fila fali ho maneira konservativo….
    Espera povo ho mundo akademiku sira mak swi julga ba poder ukun durante imi mia mandatu.
    A Luta Continua…

HAKEREK NO HATÁN

Please enter your comment!
Please enter your name here