Estudante Fakuldade Enjenária UNITAL realiza semináriu nasionál ho tema "Jestaun Rekursu Petrolíferu iha Futuru Apos Impase Polítika" iha Salaun UNITAL, Becora, Dili. Imajen TATOLI/Egas Cristovão.

DILI, 17 outubru 2020 (TATOLI)–Vise Prezidente Asosiasaun Engenaria petrolifera Timor Leste (AEPTL), Noventino Luaday Fernandes hateten, ohin, estudante Fakuldade Enjenária UNITAL realiza semináriu nasionál ho tema “Jestaun Rekursu Petrolíferu iha Futuru Apos Impase Polítika” ba universitáriu inklui ho estudante sekundáriu iha Dili, atu bele kapasita rekursu umanu iha setór petrolífera no eduka sosiedade iha setór petrolífera.

Notísia Relevante: Jestaun rekursu petrolifera iha futuru apos impase politika

“Ita-nia objetivu atu kapasita rekursu umanu iha setór petrolífera no eduka sosiedade iha setór petrolífera, nune’e halo peskiza ba atividade rekursu petrolíferu iha Timor-Leste,” Noventino Luaday Fernandes hato’o ba estudante sira iha semináriu nasionál ne’ebé iha salaun UNITAL, Becora, Dili, sábadu ne’e.

Noventino Luaday Fernandes haturtan, objetivu prinsipál hosi semináriu ida-ne’e mak oinsá bele disemina informasaun interligadu ho rekursu petrolífera ba sosiedade, akademista no komunidade hodi bele komprende no bele hetene didi’ak kona-ba saida mak akontese liuliu ba atividade setór petrolífera nian.

“Tanba ne’e objetivu prinsipal ne’ebé mak ita iha no realiza semináriu ba akademista sira mak oinsa eduka sosiedade sira kona-ba jestaun rekursu petrolíferu,” nia dehan.

Nia hateten, nia parte sei kontinua realiza semináriu nasionál hanesan ne’e ba akademista sira hodi dezenvolve sira-nia koñesimentu no aumenta kapasidade kona-ba jestaun rekursu petrolíferu nian iha Timor-Leste.

Jornalista: Osória Marques

Editór: Cancio Ximenes

HAKEREK NO HATÁN

Please enter your comment!
Please enter your name here