Koordenadora UAS-Gabinete Primeiru-Ministru, Sonia Leite. Imajen TATOLI/Osória Marques.

DILI, 16 outubru 2020 (TATOLI)–Governu liuhosi Unidade Auditoriá Sosiál (UAS) apoiu organizasaun Forum ONG Timor-Leste (FONGTIL) atu halo sosializasaun ba matadalan auditóriu sosiál 2021.

“Ita-nia Governu liuhosi UAS ne’ebé fó apoiu ba FONGTIL no KD Renas atu halo sosializasaun ba matadalan hakerek proposta ba auditorial sosial ba tinan 2021 nian,” Koordenadora UAS-Gabinete Primeiru-Ministru, Sonia Leite, dehan ba jornalista sira iha salaun parókia São José katedral Vila-verde, Dili, sesta ne’e.

Tuir Koordenadora UAS-GPM katak apoiu ne’ebé maka halo hosi matadalan mak fó ona ne’ebé mak aprezenta hodi sai hanesan giaun ida ba organizasaun sosiedade sivíl sira atu hakerek sira-nia proposta mai iha UAS.

“Ami sei avalia proposta ne’e no sei diside katak organizasaun ida-ne’ebé mak liuhosi auditoriá sosiál ba 2021 ne’e,” nia dehan. 

Nia dehan aloka ona orsamentu atu fó apoiu atividade auditória sosial. Katak orsamentu ne’ebé mak prevee agora hanesan orsamentu tinan kotuk maibé orsamentu sira-ne’e sei halo diskusaun tan iha Parlamentu Nasionál.

“Orsamentu ne’ebé mak atu prevee kuaze rihun $500, maibé ita sei hein tanba desizaun sei liuhosi Parlamentu Nasionál,” nia hatete.

Hosi auditoriál sosiál, nia hateten rezultadu ne’ebé bele haree no sukat nu’udar mekanizmu ida-ne’ebé mak sosiedade sivíl sira uza atu bele haree hosi orsamentu sira-ne’e aloka tuir nia dalan, hanesan iha tinan 2020.

Jornalista: Osória Marques

Editór: Cancio Ximenes

HAKEREK NO HATÁN

Please enter your comment!
Please enter your name here