DILI, 15 outubru 2020 (TATOLI)–Primeiru-Ministru, Taur Matan Ruak, ohin deklara seidauk simu karta rezignasaun husi Ministru Finansa, Fernando Hanjam.
“Ha’u seidauk simu karta rezignasaun maibé saida mak ha’u fó mak kontinua autoriza Ministru Finansa bele deskansa iha uma tanba ninia saúde la permite atu kontinua ninia servisu,” Xefe Governu Taur Matan Ruak, informa jornalista sira iha Palacio Prezidente Bairru-Pité Dili, kinta ne’e.
Notísia Relevante :Ministru Finansa Fernando Hanjam iha faze rekuperasaun saúde
Ezekutivu ba oitavu Governu Konstitusionál ne’e dehan Ministru Finansa sei kontinua servisu hanesan baibain hafoin ninia kondisaun saúde rekupera filafali. “Nia di’ak tiha mak ita haree ninia servisu ne’e,” Eis Prezidente Repúblika ne’e dehan.
Taur Matan Ruak, hateten to’o oras ne’e seidauk simu informasaun loloos kona-ba Ministru Finansa Fernando Hanjam ninia moras.
Jornalista : Tomé Amado
Editór :Agapito dos Santos
