Komandante PNTL, Komisáriu Faustino da Costa. Imajen Tatoli/Joanico de Araújo

DILI, 15 outubru 2020 (TATOLI)- Komandante Polisia Nasionál Timor-Leste, Komisáriu Faustino da Costa, iha kinta ne’e, relata ba Prezidente Repúblika, Francisco Guterres Lú Olo kona-ba situasaun siguransa én jerál iha rai-laran no mós kona-ba sidadaun Timoroan sei kontinua hakat fronteira ho dalan ilegalmente.

“Iha semana ida ne’e nia laran ita konsege kaptura sidadaun Timoroan ne’ebé tama ilegalmente hamutuk ema14 no ida mak iha indikasaun lori atributu arte marsiál,” Komisáriu PNTL, Faustino da Costa, ba jornalista sira iha Palacio Prezidente, Bairru-Pité Dili.

Notísia Relevante :PNTL Covalima Detein Ema Na’in 13 “Kontra Bandu”

Sidadaun na’in 14 ne’e, daudaun ne’e, nia esplika tama ona iha Kuarentena Obrigátoriu durante loron 14 hodi prevene transmisaun COVID-19 iha Timor-Leste.

Iha parte seluk, kona-ba kazu rodaviáriu, Komandante PNTL Faustino da Costa dehan durante semana ida ne’e rejista ona asidente tráfegu 37 ne’ebé rejulta ema na’in neen mate.

“Ha’u hakarak dehan katak husi asidente sira ne’ebé akontese ne’e mosu tanba fatores husi ema ne’ebé kondúz transporte la ho koidadu signifika englijensia umano, kazu sira ne’e akontese iha Dili, Lospalos no Baucau,” nia hateten.

Notísia Relevante :Governu Husu Komandu PNTL Hametin Seguransa

Jornalista : Tomé Amado    

 Editór :Agapito dos Santos

HAKEREK NO HATÁN

Please enter your comment!
Please enter your name here