Primeiru-Ministru, Taur Matan Ruak. Imajen Tatoli/Egas Cristovão

DILI, 15 outubru 2020 (TATOLI)–Primeiru-Ministru, Taur Matan Ruak, garante kinta ne’e sei aprezenta proposta Orsamentu Jerál Estadu 2021 nian ba Parlamentu Nasionál.

“Ohin mak loron ne’ebé ita atu entrega OJE 2021 ba Parlamentu Nasionál, tanba ne’e, Governu halo hela esforsu se buat hotu di’ak orsida lokraik ita sei entrega ona ba Parlamentu Nasionál,” informa Xefe Governu hafoin relata kestaun ne’e ba Prezidente Repúblika, Francisco Guterres Lu Olo, kinta ne’e, iha Palacio do Prezidente Bairru-Pité Dili.

Notísia Relevante :Reuniaun KM: fixa tetu finál proposta OJE 2021 biliaun $1,895

Governu propoin OJE hamutuk billaun $ 1.895, hodi ezekuta ba saláriu vensimentu, bens servisu, kapitál menór, kapitál dezenvolvimentu no seluk tan.

“Ita sei aloka orsamentu ba área importante sira hanesan iha seitór edukasaun, saúde, Agrikultura, Turizmu, Ekonomia, Sosiál, Infraestrutura no Dezenvolvimento Institusionál,” Eis Prezidente Taur Matan Ruak dehan.

Notísia Relevante :Governu sei aprezenta proposta-lei OJE 2021 iha 15 outubru

Jornalista : Tomé Amado

 Editór:Agapito dos Santos

HAKEREK NO HATÁN

Please enter your comment!
Please enter your name here