Membru KPK sira foto hamutuk ho lider karizmátiku, Kay Rala Xanana Gusmão. Imajen/Espesiál

DILI, 15 outubru 2020 (TATOLI)-Komandante Polísia Munisípiu Dili, Superintendente Xefe, Henrique da Costa, klarifika ba públiku katak, lei la permite kualkér membru Konsellu Polisiamentu Komunitáriu (KPK) atu utiliza ekipamentu hanesan stick no gás lacrimogênio atu atua kazu krime ruma bainhira mosu iha sosiedade nia leet.

Notísia Relevante : Komandu PNTL Dili kompleta ona estrutura KPK iha suku 36

Komandante Henrique dehan, tuir Norma Operasaun Programa (NOP) KPK sai nu’udar mata dalan ba paz atu buka solusaun pasífiku ba konflitu ka disputa liuhosi maneira diálogu ka mediasaun hodi hakotu konflitu ruma.

Komandante PNTL Munisípiu Dili, Superintendente Xefe Henrique da Costa. Imajen Tatoli/Eugénio Pereira

“Ida ne’e buat ne’ebé iha ita nian Norma Operasaun Programa iha KPK ne’e la temi ida ne’e, entaun ita labele fornese buat ida ne’ebé fora hosi NOP. Ita tenke asegura katak buat sira ne’ebé mak hala’o  tuir duni NOP, tanba KPK nia knaar atu solusiona problema ruma ho dalan pasífiku,” dehan Komandante Henrique ba jornalista, hafoin enkontru ho membru Konsellu Seguransa Munisipál (KSM), Konsellu Polisiamentu Komunitáriu (KPK), ohin, iha Sentru Formasaun Polísia (CFP), Comoro, Dili.

Nia hatutan, NOP la fó dalan ba membru KPK atu uza fasilidade hanesan radio komunikasaun stick no gás lacrimogênio.

Superintendente Xefe, Henrique kontinua motiva membru KPK sira ne’ebé halo voluntáriu atu kontinua halo servisu ho profisionál hodi atua problema sira ho maneira di’ak, nune’e evita membru KPK sira hamosu fali problema seluk.

Jornalista   : Eugénio Pereira

Editór        : Francisco Simões

HAKEREK NO HATÁN

Please enter your comment!
Please enter your name here