DILI, 15 outubru 2020 (TATOLI) — Tribunál Distritál Dili (TDD) liuhosi juis singular deside aplika pena admoestrasaun (hukuman peringatan) ba arguidu ho inisiál EC tanba faktu provadu komete krime violénsia doméstika (VD).
“Tribunál haree katak, arguidu konfesa imparsiál ba faktu no daudaun arguidu ho lezada di’ak malu no hela hamutuk, tanba ne’e Tribunál aplika pena admoestrasaun ba arguidu no selu kustu judisiál $20,00,” Juis titular João Ribeiro, hateten iha sala audiénsia julgamentu, hodi afirma tan Tribunál mós fó adverténsia ba arguidu atu iha futuru labele halo tan aktu refere.
Tuir faktu katak, iha loron 22 fevereiru 2020, iha tuku 17:00 Otl, iha Santa Cruz, Dili, arguidu no lezada AL hanesan fen-la’en diskute malu tanba diferensa ideia, nune’e arguidu tuku-tebe lezada hodi rezulta lezada moras.
Jornalista : Nelson de Sousa
Editór : Francisco Simões
