DILI, 15 outubru 2020 (TATOLI) – Klube futeból Assalam otimista manan nia adversáriu AS Ponta Leste iha oitavu final kopa Federasaun Futeból Timor-Leste (FFTL), epoka ne’e.
Notisia Relevante : Assalam baku monu Zebra iha Estádiu Munisipál Dili
Prezidente klube Assalam FC, Hipolito Soares, ba Agência Tatoli, ohin, liuhosi mensajen rede sosiál, afirma, nia jogadór sira sei halo esforsu atu manan AS Ponta Leste ho golu 2-0.
“Ami hatene malu hela. La sente todan hasoru sira. Ami preparadu. Joga ami tenke manán ho golu 2-0 mós to’o ona,” hateten Hipolito.
Klube rua; AS Ponta Leste ho Assalam, sei ‘hatudu’ ida-idak nia prestasaun no abilidade jogadór sira nian hodi duir bola iha estádiu Kafé Gleno, Munisípiu Ermera, iha loron 18 outubru, tinan ne’e.
Notísia Relevante : Assalam halakon DIT 3-1
Jornalista : Hortencio Sanchez
Editór : Francisco Simões
