Espoza Prezidente Repúblika, Cidália Mouzinho Nobre Guterres, hamutuk ho parseria sira selebra Loron Internasional Feto Rurál iha Postu Administrativu Laulara, Munisípiu Aileu. Imajen/Gil Asis.

AILEU, 15 outubru 2020 (TATOLI)–Espoza Prezidente Repúblika, Cidália Mouzinho Nobre Guterres, liuhosi Gabinete Apoiu Atividade Konjúje-Prezidente Republika (GAAC-PR, sigla portugés) hakarak servisu hamutuk ho parseria sira maibé importante mak kontribui ba dezenvolvimentu ida-ne’ebé inkluzivu no sutentável.

Notísia Relevante: Plan Internasional iha kompromísiu atu empodera feto rurál

“Ita hakarak servisu hamutuk ho parseiru sira hotu importante hodi kontribui ba dezenvolvimentu ida-ne’ebé inkluzivu no sutentável,” Espoza Prezidente Repúblika, Cidália Mouzinho Nobre Guetrres, hato’o iha ninia intervensaun iha ámbitu selebrasaun loron Internasionál Feto Rurál ne’ebé realiza iha Postu Administrativu Laulara, Munisípiu Aileu, kinta ne’e.

Nia dehan,  Gabinete Apoiu Atividade Konjúje-Prezidente Republika (GAAC-PR) nia odamatan nakloke nafatin hodi servisu hamutuk ho entidade Governu no entidade sira hanesan Plan International, Care International, Komisaun Direitu ba Labarik, Komisaun Nsionál ba Kombate Moras Kankru, Hafoti no Rede Feto, Universidade no Governu lokál hodi kontinua investe ba programa ne’ebé mak hakbiit feto rural.

Liuhosi ida-ne’e, nia dehan, bele halo luan no hasa’e liutan sira-nia koñsimentu no fiar-aan atu foti dezisaun tanba sira hatene impaktu ba desizaun ne’ebé sira foti. 

Nia hateten, investimentu hirak ne’ebe sei fó tulun ba sira hodi moris iha ambiénte saudavél, livre hosi esplorasaun no violénsia no ikus liu investe ba feto rurál atu nun’e bele dezenvolve-aan liuhosi sira-nia kreatividade hodi atinji independénsia ekonómia no iha nia oportunidade, hato’o lian no partisipa iha sosiedade ida ho dignu, ho hanoin ida hamutuk atu muda mundu.

“Nu’udar Conjuga ba Prezidente Repúblika, ha’u nia-dever ida mak atu servisu hamutuk ho parseiru sira hosi nivél lokál no internasionáll hodi promove partisipasaun feto rurál iha setór hotu-hotu,” nia esplika.

Jornalista: Osória Marques

Editor: Cancio Ximenes

HAKEREK NO HATÁN

Please enter your comment!
Please enter your name here