Ministra Finansa Ein-Ezersísiu atuál Vise-Ministra Finansa, Sara Lobo Brites. Imajen Tatoli/Egas Cristovão

DILI, 14 outubru 2020 (TATOLI)–Vise-Ministra Finansa, Sara Lobo Brites, iha reuniaun Konsellu Ministru ohin atualiza mós kona-ba aprezentasaun proposta Orsamentu Jerál Estadu (OJE) 2021.

“Ohin, Primeiru-Ministru rasik hato’o iha Konsellu Ministru, Ministru Finansa iha problema saúde, entaun temporáriamente ha’u ezerse daudaun interina hodi aprezenta orsamentu,” Vise-Ministra Finansa Sara, dehan iha Palásiu Governu, kuarta ne’e.

Notísia Relevante: Ministru Finansa Fernando Hanjam iha faze rekuperasaun saúde

Governante ne’e informa, Ministru Finansa, Fernando Hanjam, iha problema ho kondisaun saúde.

Nia hatutan, aban Governu sei submete orsamentu ba Parlamentu Nasionál.

“Ohin, ha’u informa ba Konsellu Ministru relasiona ho submisaun orsamentu 2021 ba Parlamentu Nasionál aban pur volta tuku 11:00 dadeer no daudaun livru suplementár maka iha semana rua maka ami foin aprezenta tanba tempu ne’e badak liu no la konsege konklui,” nia akresenta.

Tuir membru ezekutivu ne’e, despaisu ba delegasaun ne’e mai hosi internál Ministériu Finansa rasik.

Jornalista: Natalino Costa

Editora: Julia Chatarina

HAKEREK NO HATÁN

Please enter your comment!
Please enter your name here