Ministru Turizmu, Komérsiu no Indústria, José Lucas do Carmo Silva. Imajen Tatoli/Egas Cristovão

DILI, 14 outubru 2020 (TATOLI)–Ministru Turizmu Komérsiu Indústria (MTKI), José Lucas do Carmo da Silva, kompromete sei fó apoiu grupu kreativa ne’ebé hakarak harii fatin turizmu komunitáriu iha suku.

Ministru ne’e enkoraja grupu kreativu sira iha suku, postu administrativu no munisípiu atu kontinua dezenvolve talentu ne’ebé iha no labele para tanba ministériu ne’e iha mós ninia programa prioridade hodi haree no fó apoiu ba kreatividade ne’e.

“Papél Governu nian maka atu regula no fasilita. Tanba ne’e, bainhira kualkér timor-oan ida maka mai iha ne’e ho ninia kreatividade, minitériu sei atende.  Ha’u enkoraja grupu hotu atu se tilun ba programa ne’ebé oras ne’e ministériu halo hela sosializasaun iha munisípiu hotu komesa hosi ponta leste mai akompaña informasaun sira ne’e, oinsá bele kanaliza sira-nia hakarak hodi halo proposta,” Ministru José Lucas dehan iha Palásiu Governu, kuarta ne’e.

Governate ne’e husu ba sidadaun hotu ne’ebé iha kreatividade hodi hamosu turizmu komunitáriu iha sira-nia suku hodi hetan informasaun klaru kona-ba kestaun ne’e.

“Iha interese, bele  hakbesik-an mai iha ministériu, iha Vise-Ministra ninia gabinete hodi halo diskusaun ruma haree hamutuk mata dalan no rekézitu, nune’e  bele prepara planu no proposta,” governante ne’e apela.

Jornalista: Natalino Costa

Editora: Julia Chatarina

HAKEREK NO HATÁN

Please enter your comment!
Please enter your name here