Fatin turizmu, bee-manas Marobo. Imajen Tatoli/António Gonçalves

DILI, 14 outubru 2020 (TATOLI)–Ministru Turizmu Komérsiu Indústria (MTKI), José Lucas do Carmo da Silva, informa ministériu ne’e sei serbisu hamutuk ho ajénsia internasionál Asia Fundation atu halo peskiza ba impaktu surtu COVID-19 iha área turizmu inklui halo promosaun ba área hirak ne’e.

“Ita sei servisu hamutuk hodi haree kona-ba impaktu surtu COVID-19 ba setór turizmu, komérsiu no indústria. Alende ne’e, sei haree oinsá halo komunikasaun ho nasaun viziñu sira no fó sai informsaun sira ne’ebé ko’alia kona-ba turizmu Timor-Leste nian,” Ministru José Lucas dehan iha Palásiu Governu, kuarta ne’e.

Governante ne’e iha konfiansa katak fundasaun ne’e bele fó sai informasaun sira ne’e, tanba ajénsia internasionál ne’e iha reprezentante iha nasaun viziñu Indonézia nian no nasaun seluk tan.

Nia nota katak durante ne’e Asia foundation hala’o serbisu di’ak tebes ho ministériu sira, halo levantametu dadus no peskiza kona-ba potensialidade turizmu Timor-Leste.

Ho servisu hamutuk ne’e, José Lucas otimista katak sei habelar liután informasaun sira ba rai-li’ur, liuliu kona-ba área turizmu, komérsiu no indústria Timor-Leste.

Jornalista: Natalino Costa

Editora: Julia Chatarina

HAKEREK NO HATÁN

Please enter your comment!
Please enter your name here