Ministru Prezidénsia Konsellu Ministru, Fidelis Manuel Leite Magalhães. Imajen Tatoli/Egas Cristovão

DILI, 14 outubru 2020 (TATOLI)—Governu liuhosi reuniaun Konsellu Ministru (KM) aprova alterasaun projetu proposta lei kona-ba estatutu foun Ministériu Públiku (MP) nian, ne’ebé aprezenta hosi Ministru Justisa, Manuel Cárceres da Costa.

“Projetu proposta lei ne’e ho objetivu atualiza estatutu profisionál Ministériu Públiku, ne’ebé la iha alterasaun dezde tinan 2011 hodi rezolve lakuna ne’ebé deteta durante tinan hirak liubá,” Ministru Prezidénsia Konsellu Ministru, Fidelis Manuel Leite Magalhães, relata hafoin ramata reuniaun ezekutivu iha Palásiu Governu, kuarta ne’e.

Portavós Governu ne’e dehan, estatutu foun hakarak asegura objetivu esensiál tolu hanesan reforsu autonomia MP, modernizasaun no adekuasaun orgánika ba ezijénsia atualidade no dezempeñu tomak funsaun ne’ebé Konstituisaun atribui no reestruturasaun karreira profisionál.

“Hanoin atu reforsa kondisaun Ministériu Públiku hodi kontinua kontribui administrasaun di’ak iha justisa ho prestasaun servisu efisiente, oportunu, izentu, kredível, objetivu no justu,” governante ne’e subliña.

Jornalista: Antónia Gusmão

Editora: Julia Chatarina

HAKEREK NO HATÁN

Please enter your comment!
Please enter your name here