Prezidente TLPU, Manuel Pinto, konversa ho Embaixadora EUA iha Timor-Leste, Kathleen Fitzpatrick, akopaña hosi SEKOMS Mericio Juvinal Akara. Imajen Tatoli/Horencio Sanchez

DILI, 13 outubru 2020 (TATOLI) – Asosiasaun Jornalista Timor – Leste Press Union (TLPU), ohin, iha JL Vila, Fatuhada, Dili, organiza formasaun “fact-checking” ba jornalista Timor-oan durante loron ida kona-ba  maneira “identifika” notísia falsa ka fake news ka hoax iha Timor-Leste.

Notísia Relevante : TLPU firme iha “liña frente” luta kontra notísia falsa

formasaun ne’ebé partisipa jornalista Timor-oan na’in-20 ne’e apoia hosi Embaixada Estadus Unidus America (EUA) iha Timor-Leste.

Partisipa mós iha serimonia abertura formasaun ne’e  Sekretáriu Estadu Komunikasaun Sosiál (SEKOMS),  Mericio Juvenál dos Reis Akara, Embaixadóra EUA iha Timor – Leste, Kathleen Fitzpatrick, Prezidente Conselho de Imprensa de Timor-Leste, Virgílio da Silva Guterres “Lamukan” no Prezidente TLPU, Manuel Pinto.

SEKOMS Mericio Akara hato’o agradese ba TLPU nia kooperasaun servisu ne’ebé servisu hamutuk ho Embaixada EUA iha Timor – Leste hodi realiza semináriu ne’e atu fahe koñesimentu no abilidade ba jornalista Timor-oan oinsa kombate notísia falsa ka fake news.

“Governu agradese tebes ba ita-boot sira-nia kooperasaun servisu ho Embaixada Estadus Unidus nian ne’ebé oinsá bele kombate notísia falsa iha Timor – Leste,” hateten Mericio  Akara.

Nia dehan, inisiativa ne’ebé mak TLPU hala’o di’ak tebes tanba haree ba situasaun agora hoax ka fake news  sai ona preokupasaun global iha mundu no oinsá mak Timor – Leste labele manu ba situasaun sira hanesan ne’e.

“Ita tenke halo kampaña hodi kontribui ba internet saudavel, ita tenke servisu maka’as oinsá atu kontra hoax no fake news iha Timor – Leste,” Akara afirma tan.

Jornalista       :  Hortencio Sanchez

Editór             : Francisco Simões

HAKEREK NO HATÁN

Please enter your comment!
Please enter your name here