Grupo estudante Isar Bandeira uainhira tama iha formatura. .Imajen/Antonio Goncalves

DILI, 13 outubru 2020 (TATOLI)–Vise-Ministru Administrasaun Estatál (MAE), Lino de Jesus Torrezão hateten preparasaun ba komemorasaun loron proklamasaun iha Liquiça atinje ona 75%.

Notísia Relevante: Selebrasaun loron proklamasaun 28 novembru sei realiza iha Liquiça

“Ita-nia preparasaun ba komemorasaun loron proklamasaun 28 novembru tinan ne’e iha Munisípiu Liquiça atinje ona 75,%,” dehan Vise-Ministru ba jornalista Agência TATOLI iha nia knaar fatin Colmera, Dili, segunda ne’e. 

Governante ne’e hateten, preparasaun ikus liu mak ba sira ne’ebé mak atu responsabiliza ba korpu isar bandeira ne’e sei konklui iha 20 outubru.

“Iha loron 20 outubru agora ne’e, ita tenke konklui ona korpu isar bandeira sira tanba ida-ne’e mak ikus ona atu ita kompleta ba preparasaun ne’e no sei bolu instrutór sira hanesan Falintil-Forsa Defeza Timor Leste (F-FDTL) ho Polísia Nasionál Timor-Leste (PNTL) inklui ho ekipa Ministériu Administrasaun Estatál (MAE) mak sei fó treinamentu ba korpu isar bandeira sira atu ba to’o 28 novembru,” Lino Torrezão hateten.

Antes atu tama fulan novembru, nia hateten, atividade hotu liga ho loron proklamasaun 28 ne’e tenke ramata ona.

Notísia Relevante: F-FDTL sei fó seguransa ba selebrasaun loron Proklamasaun 28 Novembru

Jornalista: Osória Marques

Editór: Cancio Ximenes

HAKEREK NO HATÁN

Please enter your comment!
Please enter your name here